ჩოგბურთი / ATP /
ბასილაშვილი მეცის ტურნირზე პირველ მატჩს 19 სექტემბერს გამართავს
09/18/2019 19:31
165

საქართველოს პირველი ჩოგანი, ნიკოლოზ ბასილაშვილი მეცის ტურნირზე პირველ მატჩს ხვალ, 19 სექტემბერს გამართავს.

ნიკა, საფრანგეთში მიმდინარე ATP-ის ტურის მორიგ ტურნირზე მეორე ნომრადაა განთესილი და ჩემპიონობის ერთ-ერთი ფავორიტიცაა.

ქართველი ჩოგბრთელი პირველ მატჩს, მერვედფინალში კვალიფიკაციის ერთ-ერთი გამარჯვებულის, გერმანელი იანიკ მადენის წინააღმდეგ გამართავს. მადენმა პირველ წრეში ფრანგს უგო უმბერს სამ სეტში, ანგარიშით 6:4; 6:7(8:10); 6:4 მოუგო.

აღსანიშნავია, რომ ნიკოლოზ ბასილაშვილი გასულ სეზონში მეცის ტურნირის მეოთხედფინალში გავიდა, სადაც იაპონელ კეი ნიშიკორისთან დამარცხდა.

ტურნირზე პირველ ნომრად ბელგიელი დავიდ გოფინია განთესილი, ხოლო მოქმედი ჩემპიონი, ჟილ სიმონი კი მეშვიდე ნომერია.

#Flashscore