ჩოგბურთი / ATP /
ბასილაშვილი მეცის ტურნირის მეოთხედფინალშია
09/19/2019 23:29
171

საქართველოს პირველმა ჩოგანმა, ნიკოლოზ ბასილაშვილმა, საფრანგეთში მიმდინარე მეცის ტურნირზე პირველი მატჩი გამართა.

ნიკა მეცში მეორე ნომრადაა განთესილი და პირველი შეხვედრა მერვედფინალში გამართა

ქართველი ჩოგბურთელის პირველი მეტოქე მეცის ტურნირზე საკვალიფიკაციო ეტაპის ერთ-ერთი გამარჯვებული, გერმანელი იანიკ მადენი გახლდათ. 

ბასილაშვილმა მეტოქეს პირველ სეტში მარტივად, 6:2 სძლია. თუმცა მეორე სეტში მადენი გააქტიურდა და ნიკამაც შეცდომებს უმატა. გერმანელი მეორე სეტში ბრეიქით წინ გავიდა, თუმცა ნიკამ უკუბრეიქი გააკეთა და წონასწორობა აღადგინა. საბოლოოდ კი, ერთსაათიანი სეტი ტაიბრეიქში, ქართველი ჩოგბურთელის გამარჯვებით, 7::6(8:6) დასრულდა.

ნიკოლოზ ბასილაშვილი მეოთხედფინალში ფრანდ ჟო-უილფრიდ ცონგას შეხვდება. ქართველ და ფრანგ ჩოგბურთელებს შორის შეხვედრა ხვალ, 20 სექტემბერს, თბილისის დროით 21:30 საათზეა ჩანიშნული. აღსანიშნავია, რომ ბასილაშვილმა ცონგას წელს, ლიონის ტურნირზე ორ სეტში, ანგარიშით 6:4; 6:4 მოუგო.

#Flashscore