სხვა / სხვა /
ლიკა ჯიჯეიშვილი: “ჩვენ, ხომ ქართველები ვართ...“
09/22/2019 22:11
517

ბულგარეთის ქალაქ პლოვდივში მიმდინარე მსოფლიო თასზე (სატელიტი) ხმლით მოასპარეზე ქალთა შორის ლიკა ჯიჯეიშვილმა პირველი ადგილი დაიკავა. 

Croco.ge ლიკას დაუკავშირდა და მცირე ინტერვიუ ჩაწერა: 

ტურნირი მაღალ დონეზე ჩატარდა, იმიტომ რომ მსოფლიო თასის წოდება აქვს და ყოველთვის ასეთი რანგის შეჯიბრებებზე ჩამოდიან მსოფლიოსა და ევროპის ჩემპიონები.

რა თქმა უნდა გამარჯვება იყო რთული, მაგრამ დაუღალავი შრომისა და ვარჯიშის შედეგად ეს შევძელი და მოვიპოვე ოქროს მედალი. 

ეს ტურნირი იყო ტოკიო 2020 ლიცენზიის მნიშვნელოვანი ნაწილი და სასარგებლო ქულები მოვიპოვე. შემდეგი ტურნირი გაიმართება თბილისში 25 ოქტომბერს და აუცილებლად ვეცდები ჩემი შედეგი გავიმეორო. მიზანი არის ტოკიო 2020-ის ლიცენიზიის მოპოვება. შემიძლია ვთქვა, რომ ეს რთული საკითხია , მაგრამ შეუძლებელი არაფერია. 

ფინალური დაპირისპირება: ანა ბაშტა (აზერბაიჯანი) 15-12.

მოწინააღმდეგე იყო რუსეთიდან, რომელიც გამოდის აზერბაიჯანის სახელით.  ანა ბაშტა 2 გზის ევროპის ჩემპიონია ახალგაზრდებს შორის. ემოცია რა თქმა უნდა ძალიან დიდი იყო, რადგან 2-ჯერ აჟღერდა საქართველოს ჰიმნი და მთელი მსოფლიოს ამით გაკვირვებული იყო. 

ფიქრობდნენ თუ, როგორ შეძლო ასეთმა პატარა ქვეყანამ ფარიკაობაში ამდენის მიღწევა. ძალან მიხარია რომ ქართველებმა გამარჯვება არავის დავუთმეთ. სხვანაირად არც უნდა ყოფილიყო:  ჩვენ ხომ ქართველები ვართ!“.

გამარჯვების შემდეგ ლიკა ჯიჯეიშვილმა FIE-ს რეიტინგში 11 პოზიციით დაწინაურდა და 23.00 ქულით, 68-ე ადგილზეა.

#Flashscore