ფეხბურთი / ქართული ფეხბურთი /
საქართველოს თასი - პენალტების სერია რუსთავში და ლიგა 4-ის გუნდი 1/2-ფინალში
09/25/2019 19:30
128

ლოკომოტივის და საბურთალოს შემდეგ, საქართველოს თასის 1/2-ფინალური ეტაპის საგზური ქუთაისის ტორპედომ და საგარეჯოს გარეჯმა მოიპოვა. 

ტორპედო 1/4-ფინალურ მატჩს რუსთავში, ადგილობრივი გუნდის წინააღმდეგ ატარებდა და 11-მეტრიანების სერიაში დაამარცხა მეტოქე. ძირითადი და დამატებითი დრო გატანილი გოლების გარეშე დასრულდა, პენალტების სერიაში კი ქუთაისელებმა 4:2 სძლიეს მასპინძელბს და საუკეთესო ოთხეულში მოიპოვეს ადგილი.

სამ უმაღლესლიგელთან ერთად, ნახევარფინალში ლიგა 4-ის ლიდერი გარეჯიც ითამაშებს, რომელიც 1/4-ფინალში ამავე ლიგაში მოასპარეზე თბილისი სითის დაუპირისპირდა და 2:1 სძლია. გარეჯმა გადამწყვეტი უპირატესობა ვახტანგ კაპანაძის და ბესიკ ჩიმაკაძის გოლებით მოიპოვა, ბოლო წუთებზე კი სითიმ ლევან ქალდანის გოლით შეძლო სხვაობის შემცირება, რაც სტუმართა მაქსიმუმი აღმოჩნდა დღევანდელ შეხვედრაში.

#Flashscore