სხვა / ძიუდო /
ქართველი ძიუდოისტების პირველი მედალი კადეტთა მსოფლიო ჩემპიონატზე
09/25/2019 19:44
197

დღეს, 25 სექტემბერს, ყაზახეთის ქალაქ ალმათში სტარტი კადეტ ძიუდოისტთა შორის მსოფლიო ჩემპიონატმა აიღო.

პირველ დღეს, მსოფლიო ჩემპიონატზე, საქართველოს სახელით ორმა ახალგაზრდა ძიუდოისტმა იჭიდავა, თუმცა მედლის მოპოვება მხოლოდ ერთმა მათგანმა მოახერხა.

-50კგ წონით კატეგორიაში ნიკა ბაჩიაშვილი მეოთხედფინალში გავიდა, სადაც უკრაინელ მიკიტა ჰოლობოროდკოსთან დამარცხდა და დამამშვიდებელ წრეში გადაერთო. ნიკამ რეპეშაჟში მონღოლ მენდსაიხან ნიამსურენს 34 წამში იპონით მოუგო და ბრინჯაოს მედლისთვის ბრძოლა განაგრძო. მესამე ადგილისთვის შეხვედრაში კი ქართველმა ძიუდოისტმა რუმინელ ალექსანდრუ მატეის მოუგო და ბრინჯაოს მედალს დაეუფლა.

სამწუხაროდ, ამავე წონით კატეგორიაში პირველივე შეხვედრა წააგო კაკო ჩაფურიშვილმა და უმედლოდ დარჩა.

#Flashscore