დღეს კიუშო ბაშოზე XIV დღის ორთაბრძოლები გაიმართა...

ლევან გორგაძემ 13 ბრძოლიდან 7 მოიგო. ქართველ გოლიათს დადებითი ბალანსის გასაფორმებლად კიდევ 1 გამარჯვება სჭირდებოდა. კიუშუ ბაშოს XIV დღეს ტოჩინოშინის მეტოქე სეკივაკე მიტაკეუმი იყო.

ეს ბაშო წარმატებული არც ნიჭიერი იაპონელისთვის გამოდგა. ამ ბრძოლამდე მის ანგარიშზე 7 მარცხი და 6 გამარჯვება იყო დაფიქსირებული. მიტაკეუმის კიდევ ერთი წარუმატებლობა სეკივაკის წოდების დაკარგვის ფასად დაუჯდებოდა.

მოწინააღმდეგის დიდი მოტივაციის მიუხედავად, ქართველმა მებრძოლმა მეტოქე ერთი ამოსუნთქვით დაამარცხა. მძლავრი ტაჩიაის შემდეგ, ლევანი მიტაკეუმის ისე მიაწვა, მის შეჩერებას ალბათ თავად ჰაკუჰოც ვერ მოახერხებდა...

რაც შეეხება დღის მთავარ ბრძოლას...

დღის ცენტრალური შეხვედრა ოძეკი ტაკაიასუსა და კომოსუბ ტაკაკეიშოს შორის გაიმართა. ტაკაკეიშო თუ გაიმარჯვებდა ჩემპიონობას გაინაღდებოდა, დამარცხების შემთხვევაში კი ერთპიროვნულ ლიდერობას დაკარგავდა. ბრძოლის დაწყებამდე მათი ბალანსი ასე გამოიყურებოდა:

ტაკაკეიშო: 12:1

ტაკაიასუ: 11:2

ორივე მებრძოლმა მძლავრი ტაჩიაი შემოგვთავაზა. ტაკაკეიშომ თავდაპირველად თითქოს ოდნავ უკან დაიხია, მაგრამ არ დაიბნა, ოძეკის ცუპარების ზღვა მიაყოლა და ტავარასაც მიაბჯინა. დამარცხებასთან ახლოს მყოფი ტაკაისუ სიტუაციაში კარგად გაერკვა, ბრწყინვალე მოძრაობით დატრიალდა და მოწინააღმდეგე დოჰიოზე დაანარცხა.

ამ მომენტისთვის სუმოტორებს ბალანსი 12:2-ზე აქვთ და თუ ხვალ ორივე რიკიში გაიმარჯვებს, მათ შორის საჩემპიონო ბრძოლა გაიმართება...

ტოჩიმ დადებითი ბალანსი გაიფორმა! (ვიდეო)

ასევე იხილეთ

უახლესი ამბები