რაგბი / მსოფლიო თასი /
მორიგი სენსაცია მსოფლიო თასზე - იაპონიამ ირლანდიას მოუგო
09/28/2019 13:24
222

იაპონიაში მიმდინარე რაგბის მსოფლიო თასზე, ჯგუფური ეტაპის მეორე ტურის მატჩები გაიმართა.

არგენტინისა და ტონგას მატჩის შემდეგ, რომელიც პუმების გამარჯვებით, ანგარიშით 28:12 დასრულდა, მასპინძელმა იაპონია ირლანდიას დაუპირისპირდა.

მატჩის ფავორიტები ირლანდიელები მიიჩნეოდნენ, თუმცა ურუგვაის ფიჯისთან გამარჯვების შემდეგ, იაპონელებმა მორიგი სენსაცია დააფიქსირეს.

ირლანდიამ აქტიურად დაიწყეს და 21-ე წუთისთვის 12:3-საც იგებდნენ. თუმცა იაპონელებმა პირველსავე ტაიმში ანგარიშის შემცირება სამქულამდე მოახერხეს და მატჩის პირველი ნახევარი მხოლოდ 9:12 დათმეს.

მეორე ტაიმში მასპინძლები ბრწყინვალედ გამოიყურებოდნენ და 58-ე წუთზე კენკი ფუკუოკას ლელოთი წინაც გავიდნენ - 16:12. მატჩის საბოლოო ანგარიში, 19:12 კი იუ ტამურამ 71-ე წუთზე, ზუსტად გარდასახული ჯარიმით დააფიქსირა.

იაპონელები ამჟამად A ჯგუფში 9 ქულით პირველ ადგილს იკავებენ და მეოთხედფინალის საგზური თითქმის გაინაღდეს.

ცნობისთვის, დღეს, 28 სექტემბერს ჯგუფური ეტაპის მეორე ტურის კიდევ ერთი მატჩი, სამხრეთ აფრიკასა და ნამიბიას შორის გაიმართება. მატჩი თბილისის დროით 13:45 საათზე დაიწყება.

#Flashscore