ფეხბურთი / ლა ლიგა /
"რომ არა ფეხბურთი, გოლფის მოთამაშე ვიქნებოდი"
10/04/2019 20:31
196

მადრიდის რეალისა და უელსის ეროვნული ნაკრების ვარსკვლავმა, გარეთ ბეილმა მის შესაძლო სხვა პროფესიაზე ისაუბრა და აღნიშნა, რომ შეიძლებოდა ის გოლფის მოთამაშე გამხდარიყო.

"სიმართლე გითხრათ, გოლფი ძალიან მომწონს და მას საკმაოდ ხშირად ვთამაშობ, როცა თავისუფალი დრო მაქვს. რომ არა ფეხბურთი, შესაძლოა მართლაც მეცადა ბედი გოლფში, თუმცა საბედნიეროდ მე ახლა იქ ვმოღვაწეობ, სადაც თავს ყველაზე კარგად ვგრძნობ. ფეხბურთი ჩემთვის ყველაფერია და ბედნიერი ვარ, რომ ის ავირჩიე. ჩემი განვლილი კარიერით ამაყი ვარ. საუთჰემპტონში გატარებულმა პერიოდმა მე დიდი გამოცდილება მომცა, ხოლო ტოტენჰემში ჩემი შესაძლებლობები მთელს მსოფლიოს დავანახე. რაც შეეხება მადრიდის რეალს, ეს უკვე მწვერვალია. ამ გუნდში მოხვედრაზე ყველა ოცნებობს და გამონაკლისი არც მე ვყოფილვარ. ბედნიერი ვარ, რომ უკვე წლებია "სამეფო კლუბის" მაისურს ვატარებ და მასთან ერთად ბევრი მნიშვნელოვანი ტიტული მოვიგე. ამისდა მიუხედავად გოლფისთვის დრო მაინც მრჩება, თუმცა ის ახლა მხოლოდ ჰობია, რომლითაც დამატებით სიამოვნებას ვიღებ და სამომავლოდ ნამდვილად არ ვაპირებ, რომ პროფესიონალი მოთამაშეების გვერდით დავდგე. ჩემი ყურადღება მთლიანად ფეხბურთზე, ეროვნულ ნაკრებსა და მადრიდის რეალზეა მიმართული." - განაცხადა გარეთ ბეილმა

უელსელი მადრიდულ გრანდში 2013 წელს 91 მილიონის სანაცვლოდ გადავიდა და მას შემდეგ 13 ტიტული მოიგო. მათ შორის 4-ჯერ გახდა ყველაზე პრესტიჟული ტურნირის, ჩემპიონთა ლიგის გამარჯვებული. აქედან გამომდინარე შეგვიძლია თამამად ვთქვათ, რომ გარეთმა ფეხბურთის არჩევით სწორი გადაწყვეტილება მიიღო.

#Flashscore