სხვა / UFC /
მაკგრეგორი სასამართლოს წინაშე წარსდგება
10/05/2019 12:02
178

ირლანდიური პრესის ცნობით, 11 ოქტომბერს შერეული ორთაბრძოლების მებრძოლის, კონორ მაკგრეგორის სასამართლო ჩაინიშნა. 2019 წლის 6 აპრილს, დუბლინის ერთ-ერთ ბარში ინციდენტი მოხდა. კონორ მაკგრეგორმა მამაკაცი სცემა. როგორც ირკვევა, ამის მიზეზი ის გახლდათ, რომ ბარში შესულმა სპორტსმენმა ასაკოვან მამაკაცს თავისი წარმოების ვისკი, Proper Twelve შესთავაზა, რაზეც უარი რამდენჯერმე მიიღო. ამან კონორი გააღიზიანა და უცნობ მამაკაცს ფიზიკურად გაუსწორდა.

გავრცელებული ინფორმაციის თანახმად, მაკგრეგორს თავისუფლების აღკვეთა 6 თვემდე ვადით ემუქრება. ამასთან მას ჯარიმის გადახდაც მოუწევს 1500 ევროს ოდენობით. 

აქვე შეგახსენებთ, რომ ირლანდიელი UFC-ს ორი წონითი კატეგორიის ჩემპიონია. უკანასკნელად ის 2018 წლის ოქტომბრის თვეში იბრძოდა, სადაც ხაბიბ ნურმაგომედოვთან დამარცხდა და მას შემდეგ ის სპორტის ამ სახეობაში აღარ გამოსულა. მაკგრეგორმა გამოწვევა ხაბიბის მამისგან მიიღო და როგორც ცნობილია მას მოსკოვში ელიან.

 

#Flashscore