ჩოგბურთი / ATP /
ბასილაშვილი შანხაის მასტერსზე
10/05/2019 13:41
166

შანხაიში ATP-ის 1000-იანი მასტერსი 6-13 ოქტომბერს გაიმართება. აღნიშნულ ტურნირზე ნიკოლოზ ბასილაშვილიც მონაწილეობს და ის მე 15 ნომრადაა განთესილი. ცნობილია იმ ჩოგბურთელთა ვინაობა, რომლებიც ბასილას მოწინააღმდეგეები იქნებიან.

პირველ რაუნდში ქართველი ჩოგანი მოლდოველ რადუ ალბოტს დაუპირისპირდება. ურთიერთშეხვედრებს თუ გადავხედავთ, ნიკოლოზი მას 3-ჯერ შეხვდა და სამივეჯერ სძლია მეტოქეს. უკანასკნელად ისინი ერთმანეთს 3 წლის წინ, ვენაში შეხვდნენ. იმ შემთხვევაში თუ ბასილაშვილი ალბოტის დამარცხებას ისევ მოახერხებს, შემდეგ მეტოქეს ფრანგი ბენუა პერი და მისი კვალიფიკანტის მატჩში გამარჯვებული გამოავლენს. შანხაის 1000-იანი ტურნირის მოქმედი ჩემპიონი მსოფლიოს ნომერ პირველი ჩოგანი, ნოვაკ ჯოკოვიჩი გახლავთ.

ნიკოლოზ ბასილაშვილი ამჟამინდელ რეიტინგში მე-17 პოზიციას იკავებს და მის ანგარიშზე 1895 ქულაა.

#Flashscore