ფეხბურთი / სერია ა /
საფეხბურთო დრამა: 4 წითელი და ნანატრი გამარჯვება
10/06/2019 0:46
485
Loading the player...

იტალიის სერია ა-ში მე-8 ტურის მატჩი გაიმართა, რომელშიც მონაწილეობა მილანმა და ჯენოამ მიიღეს. 

უღიმღამო პირველი ტაიმის მიწურულს მასპინძლებმა ანგარიში გახსნეს. “როსონერის“ კარის დალაშქვრა ლასე შონემ მოახერხა, რომელიც გენუელების ახალწვეულია. 

47-ე წუთზე მასპინძლების რიგებიდან საპონარა გააძევეს, რომელიც სათადარიგოთა სკამზე იჯდა. სტუმრებს ფსიქოლოგიური უპირატესობა შეექმნათ. 

მეორე ნახევარში სიტუაცია დაიძაბა.  ტეო ერნანდესმა ულამაზესი გოლით ანგარიში გაათანაბრა (1:1). გოლიდან 4 წუთში ანდრეაძოლის შეგირდებს კიდევ ერთი ფეხბურთელი გამოაკლდათ (წითელი ბარათი). 

57-ე წუთზე მატჩის არბიტრმა პენალტი დანიშნა, რომელიც კესიმ იდეალურად შეასრულა და ლომბარდიელები დააწინაურა (2:1). ჯამპაოლოს ნანატრი სამი ქულის მოპოვებამდე ცოტა დრო ჰქონდა დარჩენილი, როდესაც ცივმა ოფლმა გადაასხა. 

პირველ ტაიმში მიღებული ყვითელი ბარათი კალაბრიამ წითლად აქცია და მოედანი დატოვა. 

89-ე წუთზე რეინა შეცდა და “შავ-წითლების“ კარში თერთმეტმეტრიანი დაინიშნა, რომელიც აღნიშნულ მომენტში დამნაშავემ მოიგერია. 94-ე წუთზე კასტილეხომ საპონარას “მიბაძა“ და თავი უბრძოლველად გაიწითლა (სათადარიგოთა სკამი).

ამ გამარჯვებით, მარკომ თანამდებობა დროებით შეინარჩუნა, ხოლო მილამა 8 ტურში 9 ქულა მოაგროვა. 

#Flashscore