ფეხბურთი / პრემიერლიგა /
დუგლას კოშტას აგენტი: "მაურიციო სარიმ დუგლასი პრემიერ ლიგაში არ გაუშვა"
10/07/2019 18:39
198

ტურინის იუვენტუსის შემტევის, დუგლას კოშტას აგენტმა ჯიოვანი ბრანჩინიმ, ერთ-ერთ ბოლო ინტერვიუში დაადასტურა, რომ მისი კლიენტი მანჩესტერ იუნაიტედში გადასვლასთან ახლოს იყო. ბრანჩინის თქმით, დიხი ხანია რაც "წითელი ეშმაკები" კოშტას გადაბირებას ცდილობენ, მაგრამ ორივე მწვრთნელმა, ჯერ ალეგრიმ და შემდეგ უკვე სარიმ, ბრაზილიელი ფეხბურთელის გაშვება კატეგორიულად იუარეს:

"დიდი ხანია, რაც მანჩესტერ იუნაიტედი დუგლასის გადაბირებას ცდილობს. თავდაპირველად ალეგრიმ, ხოლო შემდეგ კი მაურიციო სარიმ, მის გაყიდვაზე კატეგორიული უარი განაცხადეს.

მანჩესტერ იუნაიტედი ერთადერთი ინგლისური კლუბი არ იყო, რომელსაც მისი გადაბირება სურდა. განსხვავება ისაა, რომ "წითელი ეშმაკები" ყოველთვის სხვებზე გაცილებით უფრო აქტიურები იყვნენ." - განაცხადა დუგლას კოშტას აგენტმა.

#Flashscore