ფეხბურთი / სერია ა /
სპალეტი ან პიოლი | მილანი არჩევანის წინაშეა
10/08/2019 10:59
151

მოგეხსენებათ, უკანასკნელი 2 დღის განმავლობაში იტალიური პრესა აქტიურად ალაპარაკდა იმაზე, რომ მილანი ახალ მთავარ მწვრთნელს ეძებს. მარკო ჯამპაოლოს შემცვლელად თავდაპირველად ლუჩიანო სპალეტის კანდიდატურა დასახელდა და იწერებოდა, რომ ყველაზე ახლოს სწორედ ის იყო მილანთან, თუმცა დღეს FOOTBALL-ITALIA იტყობინება, რომ შესაძლოა სპალეტი "როსონერის" თავკაცად ვერ ვიხილოთ. ლუჩიანო ამ დრომდე ითხოვს "ნერაძურისგან" კომპენსაციას. როგორც ჩანს პროცესი იწელება და პრობლემა ჯერაც არ არის მოგვარებული.

ამასობაში უკვე გავრცელდა ინფორმაცია იმაზეც, რომ შავ-წითლებს კიდევ ერთი კანდიდატი ჰყავთ სტეფანო პიოლის სახით. პიოლი 2016-17 წლებში მილანის მტრის ბანაკში, ინტერში მუშაობდა მთავარ მწვრთნელად, ხოლო უკანასკნელად 2017-19 წლების სეზონებში ფიორენტინას თავკაცობდა. ამ წუთისთვის პიოლი თავისუფალია და არ არის გამორიცხული, რომ მილანის ხელმძღვანელები სწორედ მას დაუკავშირდნენ, რადგან გუნდს ჯამპაოლოს შემცვლელი უმოკლეს ვადაში ესაჭიროება. სტეფანოს სამწვრთნელო კარიერა 2003 წელს დაიწყო. მას შემდეგის 12 სხვადასხვა კლუბს წვრთნიდა, მაგრამ სერიოზული წარმატებისთვის არსად მიუღწევია. მეტიც, მას ტიტულიც კი არ აქვს მონაგები. როგორც ჩანს, გატუზოს დაბრუნების ვარიანტი ამ ეტაპზე არ განიხილება. 

#Flashscore