ფეხბურთი / ლიგა 1 /
"ნეიმარის სტვენა კარგს არაფერს მოგვიტანს"
10/08/2019 11:22
199

პსჟ-ს იტალიელმა ნახევარმცველმა, მარკო ვერატიმ თავისი თანაგუნდელი, ნეიმარი დაიცვა და გულშემატკივრებს მოუწოდა, რომ ნეიმარის მისამართით სტვენისგან თავი შეიკავონ.

"ჩვენ ნეიმარის სახით მსოფლიოს ერთ-ერთი საუკეთესო ფეხბურთელი გვყავს. ის დაბრუნდა და სწორედ მას გააქვს გამარჯვების მომტანი გოლები, რითაც კვლავ ამტკიცებს, რომ საუკეთესოთა შორისაა და პსჟ-ს ერთ-ერთი წამყვანი მოთამაშეა. მესმის, რომ გულშემატკივრებს თავიანთი მოსაზრება აქვთ, მაგრამ ყველამ უნდა იცოდეს, რომ ნეიმარის სტვენა კარგს არაფერს მოგვიტანს. ის ახლა მინდორზე პარიზული კლუბის სახელით გამოდის და ტრიბუნებიდან მხოლოდ მხარდაჭერა სჭირდება, რათა მეტად ეფექტური იყოს და გუნდს წარმატების მიღწევაში დაეხმაროს. ჩვენ ერთიანები უნდა ვიყოთ." - განაცხადა ვერატიმ

გულშემატკივრები კი ნეიმარს ზაფხულში განვითარებული მოვლენების გამო უბრაზდებიან, როცა ვრცელდებოდა ინფორმაციები, რომ ბრაზილიელს პსჟდან წასვლა და კატალონიის ბარსელონაში დაბრუნება სურდა, რაზეც მოლაპარაკებებიც მიმდინარეობდა, მაგრამ ტრანსფერზე შეთანხმება ვერ მოხერხდა.

#Flashscore