ფეხბურთი / სერია ა /
"ინტერს იკარდი აკლია"
10/08/2019 11:44
122

მაურო იკარდის მეუღლე და აგენტი, ვანდა ნარა აცხადებს, რომ ის, რაც თანამედროვე ინტერს აკლია - მაურო იკარდია. მოგეხსენებათ, რომ არგენტინელი თავდამსხმელი კონტეს გეგმებში არ შედიოდა, რის გამოც იტალიელმა სპეციალისტმა მაუროს შემცვლელად ბელგიელი რომელუ ლუკაკუ გადაიბირა მანჩესტერ იუნაიტედიდან, ხოლო არგენტინელი ფორვარდი პსჟ-ში გაამწესა.

" "ნერაძური" კარგ ფორმაშია. კონტეს გუნდმა სეზონი შესანიშნავად დაიწყო, თუმცა ისეთ ძლიერ მეტოქესთან, როგორიც იუვენტუსია, აშკარად გამოჩნდა, რომ ინტერს იკარდი აკლია. რა თქმა უნდა ჩვენ ვუყურეთ შეხვედრას. მაურომ ტურინელებს 11 შეხვედრაში 8 გოლი გაუტანა და ამით ყველაფერი ნათქვამია. ამ დროისთვის არ მოიძებნება სხვა ფეხბურთელი, რომელიც ისე კარგად იცნობს მილანურ გუნდს, როგორც მაურო, თუმცა ჩვენ ყველამ ჩვენი არჩევანი გავაკეთეთ და ახლა იკარდი მხოლოდ იმაზე ფიქრობს, რომ პსჟსთან ერთად დიდ წარმატებებს მიაღწიოს როგორც საფრანგეთში, ასევე ევრო ასპარეზზეც და მისი დახმარებით პარიზული კლუბი კიდევ უფრო ძლიერი იქნება. ამაში დარწმუნებული ვარ." - განაცხადა ვანდა ნარამ.

 

#Flashscore