ბლოგი / /
ლეგენდარული ფრანკო ბარეზი !
10/08/2019 12:05
150

ფრანკო ბარეზი - მან მთელი კარიერა მილანს მიუძღვნა, თუმცა ცნობილი ფაქტია, რომ მისი ძმა ინტერში თამაშობდა და თავდაპირველად მასაც ძმის გვერდით სურდა ასპარეზობა, მაგრამ ''ნერაძურიმ'' ფრანკო არ მიიღო და ის ''როსონერიში'' მივიდა. შეიძლება ითქვას, რომ ინტერმა ამ გადაწყვეტილებით კატასტროფული შეცდომა დაუშვა, რადგან ფრანკო ბარეზი დღეს მსოფლიოს ყველა დროის საუკეთესო მცველებს შორის მოიხსენიება. ის 1960 წლის 8 მაისს დაიბადა. მილანის ახალგაზრდული გუნდიდან პირველ გუნდში ბარეზი 1977 წელს მოხვდა. მან მალევე მოიგო პირველი სკუდეტო, მაგრამ რამდენიმე წელიწადში მილანი გარიგებულ თამაშებში დაადანაშაულეს და კლუბი სერია ბ - ში დააქვეითეს. გუნდი იმ პერიოდში წამყვანმა ფეხბურთელებმა დატოვეს, მაგრამ ფრანკო კვლავ ''როსონერის'' შავ-წითელი მაისურით იყო მოსილი.

ამის შემდეგ მილანმა სერია ბ მოიგო, სერია ა - ში დაბრუნდა პირველი სეზონი მე-14 ადგილზე დაასრულა და მომდევნო წელს კლუბი კრიზისმა მოიცვა, რის შემდეგაც კლვავ სერია ბ - ში აღმოჩდნენ, მაგრამ ფრანკოს არც ამჯერად უფიქრია კლუბის დატოვება და კვლავ მოიგო იტალიის სერია ბ.

1985 წელს მილანის პრეზიდენტმა ჯუზეპე ფარინამ დიდძალი თანხა მიითვისა და გაიქცა. ''როსონერი'' გაკოტრებულად გამოცხადდა და ფეხბურთელების მომავალი ბურუსმა მოიცვა. ამ დროს კლუბი სილვიო ბერლუსკონიმ შეიძინა და დაიწყო ახალი ერა. სილვიომ მაშინ ფეხბურთელების შესაძენად 21 მილიონი დახარჯა, რაც იმ დროს სატრანსფერო პოლიტიკაში დიდი თანხა იყო და ამით ყველა გააოცა. მილანმა შეიძინა კარლო ანჩელოტი, რუუდ გულიტი, ვან ბასტენი, რაიკაარდი. ბარესი - ტასოტის დუეტას ახალგაზრდა მალდინი - კოსტაკურტა დაემატა. კლუბი მოძლიერდა და დაიწყო ტიტულების მოგება.

ბოლოს, მთავრ მწვრთნელად არიგო საკი დაინიშნა და შეიქმნა გუნდი, რომელიც ზედიზედ რამდენიმე სეზონი ბატონობდა ევროპულ ფეხბურთში. საკის მილანი ტაქტიკურ ფეხბურთს თამაშობდა, ყველა რგოლი ბოლომდე გამართული იყო. მაშინ ''როსონერის'' ფრანკო ბარეზი კაპიტნობდა. ფრანკომ მილანთან ერთად ბევრი ცუდი რამ გადაიტანა, მაგრამ წარმატების დროც დადგა. ''როსონერის'' შემადგენლობაში ბარეზიმ სამჯერ მოიგო ჩემპიონთა ლიგა. ექვსჯერ გახდა იტალიის ჩემპიონი. ოთხჯერ მოიგო იტალიის სუპერ თასი. სამჯერ გახდა ევროპის სუპერ თასის გამარჯვებული. ასევე მოიგო საკონტინენტთაშორისო თასი ორჯერ. 1982 წელს იტალიის ეროვნულ ნაკრებთან ერთად გახდა მსოფლიოს ჩემპიონი.

1989 წელს გახდა წლის საუკეთესო ფეხბურთელი და ვერცხლის ბურთის მფლობელი. 1990 წელს ის იყო იტალიის თასის ბომბარდირი მიუხედავად იმისა, რომ მცველი გახლდათ. 1990 წელს დასახელდა სერია ა - ს საუკეთესო ფეხბურთელად. 1999 წელს კი მილანის ყველა დროის საუკეთესო ფეხბურთელის წოდებაც მიანიჭეს. ბარეზი შედის ფიფას 100 ყველა დროის საუკეთესო ფეხბურთელთა სიაშიც. ის დღემდე ითვლება მსოფლიო ფეხბურთის ისტორიაში ერთ-ერთ საუკეთესო მცველად. 

#Flashscore