ფეხბურთი / მსოფლიო ფეხბურთი /
ზაფხული 2020: ვარსკვლავები, რომლებიც თავისუფალი აგენტები ხდებიან
10/08/2019 12:56
7286

მიმდინარე სეზონის ბოლოს, საფეხბურთო სამყაროს ზოგიერთი ვარსკვლავი თავისუფალი აგენტი გახდება. ქვემოთ ჩამოთვლილნი არიან ის ფეხბურთელები, რომელთა ახალი კონტრაქტებიც თითქმის გამორიცხულია. ამგვარად, 2020 წლის ზაფხულში, კლუბებს ამ უმაღლესი დონის მოთამაშეების ხელში ჩაგდება უსასყიდლოდ შეეძლებათ.

 კრისტიან ერიკსენი

ტოტენჰემი, 27 წლის, ნახევარმცველი

დანიელმა ფეხბურთელმა ლონდონურ კლუბს კონტრაქტის გახანგრძლივებაზე უარი უთხრა. ერიკსენს სურს, რომ მომდევნო ზაფხულს მადრიდის რეალში უფასოდ გადავიდეს.

ჭორები: რეალი, მანჩესტერ იუნაიტედი, იუვენტუსი

იან ვერტონგენი

ტოტენჰემი, 32 წლის, მცველი

ბელგიელი ირწმუნება, რომ ასაკის მიუხედავად, თავს ჯანსაღად და ახალგაზრდად გრძნობს. მას ტოპ-კლუბებში თამაში კიდევ შეუძლია.

ჭორები: ლევერკუზენის ბაიერი

ლუკა მოდრიჩი

რეალი, 34 წლის, ნახევარმცველი

გასულ წელს, ხორვატი ცალი ფეხით ინტერში იყო. გასულ ზაფხულს, მის სახელს მილანს უკავშირებდნენ.

ჭორები: მილანი, პსჟ

ტობი ალდერვეირელდი

ტოტენჰემი, 32 წლის, მცველი

“დეილი მეილის“ ინფორმაციით, მომდევნო ზაფხულს, ბელგიელი ტურინის იუვენტუსს შეუერთდება.

ჭორები: იუვენტუსი, ინტერი, მანჩესტერ იუნაიტედი

ნემანია მატიჩი

მანჩესტერ იუნაიტედი, 31 წლის, ნახევარმცველი

იუნაიტედის მთავარ მწვრთნელად ოლე გუნარ სოლსკიაერის დანიშვნის შემდეგ, სერბმა თადარიგში გადაინაცვლა. მატიჩი ძირითად შემადგენლობაში მხოლოდ იმის წყალობით ხვდება, რომ გუნდში ხშირად ბევრი ფეხბურთელი ტრავმირებულია.

ჭორები: ინტერი, იუვენტუსი, დორტმუნდის ბორუსია

 

ედინსონ კავანი

პსჟ, 32 წლის, თავდამსხმელი

ნეიმართან და მბაპესთან კონკურენცია უკვე რთული ხდება, ლეგენდარულ დევიდ ბექჰემს კი, კავანის ხილვა მაიამიში სურს.

ჭორები: მილანის ინტერი, ინტერ მაიამი, ატლეტიკო

დრის მერტენსი

ნაპოლი, 32 წლის, თავდამსხმელი

კარლო ანჩელოტი ბელგიელისთვის ახალი კონტრაქტის გაფორმებას ითხოვს, მაგრამ კლუბი არ ჩქარობს. სეზონის ბოლოს, მერტენსი უკვე 33 წლის იქნება.

ჭორები: ჩინეთი, MLS-ი, ანდერლეხტი

ვილიანი

ჩელსი, 31 წლის, ნახევარმცველი

ფრენკ ლამპარდი ვილიანის თამაშით კმაყოფილია, მაგრამ ჩელსიში იმდენი ახალგაზრდა შემტევია, რომ ძნელად სავარაუდოა, კლუბმა ბრაზილიელს კონტრაქტი გაუხანგრძლივოს.

ჭორები: ბარსელონა, იუვენტუსი

მარიო გიოტცე

დორტმუნდის ბორუსია, 27 წლის, ნახევარმცველი

გერმანელებს ფეხბურთელის შენარჩუნება სურთ, მაგრამ თუ ეს არ გამოუვათ, გიოტცე გეზს იტალიისკენ აიღებს.

ჭორები: ინტერი

დავიდ სილვა

მანჩესტერ სიტი, 33 წლის, ნახევარმცველი

ესპანელმა უკვე დაადასტურა, რომ სიტისთან კონტრაქტის გახანგრძლივებას აღარ აპირებს. სილვას სურვილია, რომ კარიერის მიწურულს მშობლიური ქალაქის კლუბ ლას პალმასში იასპარეზოს.

ჭორები: ლას პალმასი, ინტერ მაიამი

#Flashscore