კალათბურთი / NBA /
ჩინეთი როკეტსთან აღარ ითანამშრომლებს - ჰარდენმა და ვესტბრუკმა ბოდიში მოიხადეს
10/08/2019 13:52
366

ჰიუსტონ როკეთსის გენერალური მენეჯერის დერილ მორის მიერ Twitter-ზე დაწერილ პოსტს ძალიან დიდი სკანდალი მოყვა.

ტეხასური გუნდის მაღალჩინოსანმა, ჰონგ-კონგში ჩინეთის მთავრობის წინააღმდეგ გამომსვლელებს დაუჭირა მხარი - "იბრძოლეთ თავისუფლებისთვის, მხარი დაუჭირეთ ჰონგ-კონგს!" - დაწერა მან.

ამის გამო ჩინეთის კალათბურთის ასოციაციამ ამ ქვეყანაში ძალიან პოპულარულ (იაო მინის ფაქტორის გამო) ჰიუსტონ როკეტსთან თანამშრომლობა შეწყვიტა. ქვეყნის მთავარი არხის განცხადებით ისინი ამ გუნდის მატჩებს აღარ აჩვენებენ და შესაძლოა მთელი NBA-ს ტრანსლირებასაც საფრთხე დაემუქროს.

სიტუაციიდან გამოსავლის პოვნას შეეცადნენ გუნდის ლიდერები ჯეიმს ჰარდენი და რასელ უესტბრუკი - "ჩინეთს ბოდიშს ვუხდით. ჩვენ აქ თამაში გვიყვარს და წელიწადში მინიმუმ ერთხელ ჩამოვდივართ, ჩინელი ხალხი გამორჩეული გულშემატკივარია."

NBA-სთვის ჩინეთი უპირველესი ბაზარია, გასულ სეზონში ლიგის მატჩებს 490 მილიონმა ჩინელმა უყურა, რაც ამერიკის ბაზარზე დიდი მაჩვენებელიცაა. ორგანიზაციამ ყველაფერი უნდა გააკეთოს, რომ აზიურ ქვეყანასთან ურთიერთობა დაალაგოს, წინააღმდეგ შემთხვევაში კოლოსალურ ზარალს მიიღებს.

 
#Flashscore