ფეხბურთი / ქართული ფეხბურთი /
სიომინი: "იმედი მაქვს, კვერკველია ნაკრებში ითამაშებს"
10/08/2019 15:12
148

რუსული პრემიერ ლიგის მე-12 ტურში მოსკოვის ლოკომოტივმა ტულის არსენალს 2:1 სძლია. 

მატჩის მეორე ნახევარში, ტრავმირებული ბენედიქტ ჰიოვედესის ნაცვლად მოედანზე ახალგაზრდა რუსი მცველი, სტანისლავ მაგკეევი შევიდა, სოლომონ კვერკველია კი თადარიგში დარჩა და შეხვედრაში მონაწილეობა არ მიუღია. 

თამაშის დასრულების შემდეგ, მოსკოველთა მთავარმა მწვრთნელმა, იური სიომინმა, ქართველი ცენტრალური მცველის შესახებ ისაუბრა. 

"კვერკველიას ცოტა დრო და სათამაშო პრაქტიკა სჭირდება. იმედი მაქვს, ის საქართველოს ნაკრებში ითამაშებს და უკეთეს ფორმაში დაგვიბრუნდება. სოლომონმა ჯერჯერობით მხოლოდ სათასო შეხვედრაში მიიღო მონაწილეობა. საბედნიეროდ, მას ტრავმა აღარ აწუხებს და მხოლოდ ოპტიმალურ ფორმაში შესვლა სჭირდება", - განაცხადა სიომინმა.

#Flashscore