კალათბურთი / NBA /
NBA დაიჯესტი - ბენ სიმონსმა სამქულიანი ჩააგდო, ჯა მორანტი საქმეში ჩაერთო
10/09/2019 11:23
194

NBA-ს რეგულარული სეზონის დაწყებამდე სულ უფრო ცოტა დრო რჩება. გუნდები უკვე წინასასეზონო მატჩებს მართავენ და ბევრ ახალ ტაქტიკურ მონახაზს ამუშავებენ.

ფილადელფია სევენთისიქსერსმა, რომელიც აღმოსავლეთ კონფერენციის ერთ-ერთ ფავორიტად ითვლება ჩინურ გუანჟოუს უმასპინძლა და მეტოქე 144:86 გაანადგურა.

ამ მატჩში ყველაზე საინტერესო მომენტი მეორე მეოთხედის ბოლო წამზე დაფიქსირდა, როდესაც "ფილის" ავსტრალიელმა ლიდერმა ბენ სიმონსმა სამქულიანი ჩააგდო, როგორც ჩანს მან ამაზე ზაფხულში ივარჯიშა.

სან ანტონიოს ძირითადი გამთამაშებელი დეჟანტე მარი დაუბრუნდა, თუმცა როგორც ჩანს ეს ჯერჯერობით საკმარისი არ არის. გუნდმა ზედიზედ მეორე მატჩი მაიამი ჰიტთან წააგო, თუმცა აღსანიშნავია, რომ გრეგ პოპოვიჩმა "რუქი" ლუკა სამანიჩისა და ტრეი ლაილზის გარდა თამაშის საშუალება ყველა მოთამაშეს მისცა.

აღსანიშნავია მაიამელთა ახალწვეულის ტაილერ ჰიროუს შესანიშნავი თამაში, მან 24 წუთში თავის გუნდს 18 ქულა მოუტანა, ხოლო მთავარმა ვარსკვლავმა ჯიმი ბატლერმა ამავე დროში 10 ქულა და 5 მოხსნა მიითვალა.

მემფის გრიზლიზის შემადგენლობაში დებიუტი ჰქონდა დრაფტის მეორე არჩევანს ჯა მორანტს, რომელიც მართალია ქულებით დიდად ვერ გამოირჩა (4) თუმცა 10 შედეგიანი გადაცემა მიითვალა. "დათვებს" სწორედ მისი და ჯარენ ჯექსონის (18 ქ, 9 მ.) გარშემო სურთ ახალი გუნდის აშენება, ასე რომ მათი თამაშის ხილვა ძალიან საინტერესო იქნება.

გუნდმა ახალ ზელანდიურ ბრეიქერსს უმასპინძლა და არც ისე დიდი ანგარიშით 108:94 მოუგო.

ოკლაჰომა სითი თანდერის შემადგენლობაში ლეგენდარულმა კრის პოლმა პირველი მატჩი ჩაატარა. შეხვედრა ყველასთვის მოულოდნელად ახალ ზელანდიელი ცენტრის სტივენ ადამსის სამქულიანით გაიხსნა.

თუმცა ბევრად საინტერესო გუნდის სხვა ახალწვეულის შაი გილჯეს-ალექსანდერის პერფორმანსი იყო. კანადელმა ახალგაზრდამ 26 წუთში 24 ქულა დააგროვა და ყველას აჩვენა, თუ რამდენად დიდი პოტენციალი გააჩნია.

ტეხასელები ამ მატჩს შესუსტებული შემადგენლობით შეხვდნენ, მათ გუნდის ლიდერები კრისტაპს პორზინგისი და ლუკა დონჩიჩი დაასვენეს.

ევროპელებით, დარიო შარიჩითა და რიკი რუბიოთ გაძლიერებულმა ფინიქს სანსმა მინესოტა ტიმბერვულვზს უმასპინძლა და მეტოქე 111:106 დაამარცხა.

აღსანიშნავია, რომ მსოფლიოს ჩემპიონატზე გაბრწყინებული ესპანელი კარგ ფორმაშია და როგორც ჩანს გასული სეზონის პირველ არჩევანს დეანდრე აიტონს კარგად შეეწყო.

ორივე გუნდი გარდამავალ პერიოდს გადის და ვნახოთ რომელს გამოუვა მაღალი დონის შემადგენლობის აშენება.

ერთწლიანი ლოდინის შემდეგ, როგორც იქნა დენვერის შემადგენლობაში მაიკლ პორტერის დებიუტი შედგა, მან პორტლენდის წინააღმდეგ 17 წუთი ითამაშა და 9 ქულის ჩაგდება მოახერხა.

შეხვედრა კოლორადოელთა გამარჯვებით 105:94 დასრულდა, ისინი გათამაშების ერთ-ერთი ფავორიტები არიან, მაიკლ პორტერის დამატებით კი ამის შანსი კიდევ უფრო იზრდება.

#Flashscore