ფეხბურთი / ქართული ფეხბურთი /
ჰარიჰეინი: "შესანიშნავი იქნება, თუ საქართველოს კიდევ ერთხელ გავუტან"
10/09/2019 12:20
124

ბირმინგემის ასტონ ვილას და ირლანდიის ნაკრების ნახევარმცველმა, კონორ ჰარიჰეინმა საქართველოს ნაკრებთან გასამართი შეხვედრის შესახებ ისაუბრა. 

"წინ ორი დიდი მატჩი გვაქვს და საქართველოსთან შეხვედრით ვიწყებთ. კარგი შეკრება გამოგვივიდა და მოახულოებულ თამაშებში დადებით შედეგს ველი.

ვიცით, რომ საქართველოში რთული თამაში იქნება, რასაც საქართველოს და დანიის თბილისური უგოლო ფრეც ადასტურებს, მაგრამ ჩვენ მზად ვართ", - განაცხადა ჰარიჰეინმა, რომელმაც დუბლინში, 27 მარტს ჩატარებულ შეხვედრაში გაუტანა საქართველოს ნაკრებს და იმედოვნებს, რომ ლორიას კარის აღების შანსი თბილისშიც ექნება.

"გოლების გატანა მოახლოებულ თამაშებში ძალიან მინდა. შესანიშნავი იქნება, თუ საქართველოს კიდევ ერთხელ გავუტან, მაგრამ მთავარი გამარჯვებაა და მნიშვნელობა არ აქვს გოლს ვინ გაიტანს". 

შეგახსენებთ, რომ საქართველოს ნაკრები ირლანდიას 12 ოქტომბერს, დინამო არენაზე უმასპინძლებს. მატჩი თბილისის დროით 17:00-ზე დაიწყება.

#Flashscore