ფეხბურთი / ლა ლიგა /
"მბაპეს რეალში ხილვა გამიხარდება"
10/09/2019 17:00
147

მადრიდის რეალისა და საფრანგეთის ეროვნული ნაკრების მცველმა, რაფაელ ვარანმა თავის თანამემამულე კილიან მბაპეზე ისაუბრა და აღნიშნა, რომ მას "სამეფო კლუბში" სიამოვნებით იხილავდა.

"კილიანი შესანიშნავი ფეხბურთელია. ის ჯერ ძალიან ახალგაზრდაა, მაგრამ უკვე საკმაოდ ბევრს მიაღწია და რაც მთავარია, ყველაფერი წინ აქვს. მე ყოველთვის მსურდა მისი ხილვა ჩემს გუნდში. მიხარია, რომ საფრანგეთის ნაკრებში მის გვერდით ვთამაშობ და სიმართლე გითხრათ მბაპეს რეალში ხილვა გამიხარდება. თუ ის ოდესმე მეტყვის, რომ ეს მისი სურვილიცაა, კლუბის ხელმძღვანელებს სიამოვნებით შევატყობინებ ამის შესახებ. ვფიქრობ, დღეისათვის მბაპე მსოფლიოს 5 საუკეთესო თავდამსხმელს შორისაა და დადგება დრო, როცა უფრო მაღალ შედეგებსაც დააფიქსირებს." - განაცხადა ვარანმა

შეგახსენებთ, რომ ვარანმა და მბაპემ საფრანგეთის ნაკრებთან ერთად 2018 წელს მსოფლიო ჩემპიონატი მოიგეს, რომელიც რუსეთში ჩატარდა.

#Flashscore