ფეხბურთი / მსოფლიო ფეხბურთი /
ირანელი ქალები საფეხბურთო შეხვედრებს დაესწრებიან
10/09/2019 20:17
101

გამოცემა Guardian-ი იტყობინება, რომ ათწლეულების განმავლობაში პირველად, ირანელ ქალებს საშუალება ექნებათ საფეხბურთო მოედნებზე შევიდნენ და შეხვედრებს დაესწრონ. უკანასკნელი 40 წლის  განმავლობაში სახელმწიფო პოლიტიკის გამო, ირანელ ქალებს ეს "ფუფუნება" არ ჰქონდათ და ამ სიამოვნებით მხოლოდ მამაკაცები სარგებლობდნენ. 

თავისდროზე მიღებული აკრძალვა ეხებოდა ყველა ტიპის მოედანს. ამის მიზეზი კი ის იყო, რომ სასულიერო პირების თქმით, ქალები დაცულები უნდა ყოფილიყვნენ მამაკაცური ატმოსფეროსგან და ნახევრად შიშველი მამაკაცებისგან. აღნიშნული აკრძალვის მოხსნა ირანმა ფიფას მუქარის შემდეგ გადაწყვიტა, რადგან ისინი იდგნენ იმ საფრთხის წინაშე, რომ ფიფას მათი ლიცენზირება შეეწყვიტა.

ერთ-ერთი ირანელი ქალი, რომლის ვინაობაც ანონიმურია ჟურნალისტთან საუბრისას აცხადებს, რომ ის ძალიან ბედნიერია და ვერც კი წარმოიდგენდა თუ თავისი ცხოვრების განმავლობაში ამ ფაქტს მოესწრებოდა.

#Flashscore