ფეხბურთი / პრემიერლიგა /
რეალს ერიქსენის დამატება იანვარში სურს
10/10/2019 9:56
120

ესპანური გამოცემები იტყობინებიან, რომ მადრიდის რეალის თავკაცმა, ზინედინ ზიდანმა ტოტენჰემის ვარსკვლავის, კრისტიან ერიქსენის ტრანსფერი 2020 წლის იანვრის სატრანსფერო პერიოდში მოითხოვა.

როგორც ირკვევა, დანიელმა ფეხბურთელმა მის ამჟამინდელ კლუბს კონტრაქტის გახანგრძლივებაზე უარი განუცხადა და თავად მისი სურვილიცაა "სამეფო კლუბში" თამაში. მას მიმდინარე კონტრაქტი ზაფხულში ეწურება და თუ ლონდონელებს მისი უფასოდ გაშვება არ სურთ, მაშინ ზამთარში ერიქსენის გაყიდვა იდეალური ვარიანტი იქნება. 

კრისტიანი ტოტენჰემს 2013 წელს შეუერთდა. მაშინ ინგლისელებმა ამსტერდამის აიაქსს ფეხბურთელის სანაცვლოდ ჯამში 12 მილიონი გადაუხადეს. 

#Flashscore