ფეხბურთი / პრემიერლიგა /
ინტერი მატიჩს კონტრაქტს უმზადებს
10/10/2019 10:29
107

იტალიური პრესის ცნობით, ანტონიო კონტე პირადადაა დაინტერესებული მანჩესტერ იუნაიტედის 31 წლის სერბი ნახევარმცველის ტრანსფერით და როგორც ჩანს, ამის წინააღმდეგი ინტერის ბოსები სულაც არ არიან.

როგორც ირკვევა, "ნერაძური" უკვე მუშაობს ფეხბურთელის კონტრაქტის საკითხზე და აპირებს, რომ ინგლისელებს შეთავაზებით 2020 წლის იანვარშივე მიმართოს. მატიჩს ამჟამინდელი კონტრაქტი "წითელ ეშმაკებთან" მომდევნო წლის ივნისში ეწურება, თუმცა კონტე დაცდას არ აპირებს. 

შეგახსენებთ, რომ ანტონიო კონტეს და ნემანია მატიჩს ერთად წარსულში უმუშავიათ კიდეც, როცა ისინი ლონდონის ჩელსის ღირსებას იცავდნენ და მათ ინგლისის პრემიერ ლიგის მოგებაც მოახერხეს. ჯერ-ჯერობით უცნობია იმ კონტრაქტის დეტალები, რომელსაც მილანელები სერბს უმზადებენ.

#Flashscore