რაგბი / მსოფლიო თასი /
ტაიფუნის გამო რამდენიმე შეხვედრა გაუქმდა
10/10/2019 11:05
140

2019 წლის რაგბის მიმდინარე მსოფლიო ჩემპიონატზე რამდენიმე შეხვედრა გაუქმდა. ამის შესახებ ინფორმაციას ოფიციალურად ადასტურებენ მსოფლიო რაგბიში.

მიზეზი ტაიფუნია და მეტეოროლოგების თქმით, ის დღითიდღე ძლიერდება, რის გამოც B ჯგუფის შეხვედრა ახალ ზელანდიასა და იტალიას შორის, ასევე C ჯგუფის დაპირისპირება საფრანგეთსა და ინგლისს შორის აღარ ჩატარდება. 

ჰაგიბსი 2019 წლის ყველაზე დიდი ტაიფუნია, რომელიც იოკოჰამაში, ტოიოტაში და ტოკიოში გასამართ შეხვედრებს ხელს შეუშლის. მეტეოროლოგიური სააგენტოების მიერ გავრცელებული ინფორმაციები მსოფლიო რაგბიმ და იაპონია 2019-ის საორგანიზაციო ჯგუფმა ყველა მხარეს გააცნეს და შეხვედრების გაუქმებაზე შეთანხმდნენ.

გაუქმებულ შეხვედრებში "მონაწილე" გუნდები 2 სატურნირო ქულას მიიღებენ და შედეგად ანგარიშებში 0-0 ები დაფიქსირდება.

რაც შეეხება საქართველო-ავსტრალიის დაპირისპირებას, შიზუოკაში ის დაგეგმილ დროს გაიმართება. შაბათის შეხვედრებიდან კი მხოლოდ ირლანდია-სამოას მატჩი შედგება.

#Flashscore