რაგბი / ქართული რაგბი /
"მინდა ბებერი კუნთები ავსტრალიასთან მოვსინჯო"
10/10/2019 14:17
169

მოგეხსენებათ, რომ 11 ოქტომბერს საქართველოს ნაკრები  2019 წლის მსოფლიო ჩემპიონატზე ავსტრალიასთან უკანასკნელ შეხვედრას გამართავს. აღნიშნული შეხვედრით საერთაშორისო კარიერას ასრულებს ლეგენდარული მამუკა გორგოძე. ხვალ მამუკა მსოფლიო ჩემპიონატზე მე-15 შეხვედრას გამართავს და ის ამ მაჩვენებლით მერაბ კვირიკაშვილს გაუთანაბრდება. მსოფლიო რაგბის ოფიციალურმა ვებ-გვერდმა ქართველ ლეგენდასთან ინტერვიუ ჩაწერა.

"მსოფლიო თასზე თამაში უპრობლემოდ შეუძლია მას, ვინც ტოპ 14-ში თამაშობს. წელს თავს ბევრად უკეთ ვგრძნობ, ვიდრე წინა წლებში. არ ვაპირებ პირადად ვეძებო კლუბი. ვფიქრობ, რომ თუ კარგად ვითამაშებ რომელიმე გუნდი დამიკავშირდება. შემოთავაზებების განსახილველად მზად ვარ. პირველ რიგში სამშობლოში დაბრუნება მსურს. სავარაუდოდ რაიმე საქმეს წამოვიწყებ. ზუსტად არ ვიცი რას გავაკეთებ, მაგრამ ამ ეტაპზე რაგბიში რაიმე ფორმით დარჩენაზე არ ვფიქრობ. მე არ მსურს მწვრთნელობა, მაგრამ თუ ქართულ რაგბს დავჭირდები, რა თქმა უნდა მე მას ყოველთვის დავუდგები გვერდში. მსურს მეტი დრო გავატარო ჩემს ოჯახთან და შვილებთან ერთად. ჩვენ გვყავს 2 ძაღლიც, მაგრამ ბოლო დროს ბევრი დრო აღარ მრჩება. ძალიან მიყვარდა ნადირობა, თუმცა ბოლო პერიოდში საკმაოდ ჰუმანური გავხდი და აღარ მხიბლავს ცხოველებზე ნადირობა. რაც შეეხება ავსტრალიასთან გასამართ მატჩს, ის უდიდესი გუნდია. მასთან დასაკარგი არაფერი გვაქვს. ეს შეხვედრა განსაკუთრებული იქნება. მე მათ პატივს ვცემ, როგორც ღირსეულ მეტოქეებს და ძალიან მინდა ჩემი ბებერი კუნთები ავსტრალიასთან მოვსინჯო." - განაცხადა მამუკა გორგოძემ.

#Flashscore