ქართული სპორტი / ქართული ფეხბურთი /
ტორპედო “აპარატიდან გამორთეს“...
10/10/2019 19:03
135

რამდენიმე დღის წინ გავრცელა ინფორმაცია, რომ  კლუბში და საწვრთნელ ბაზაზე შექმნილი გაუსაძლისი პირობების გამო, ტორპედოს ფეხბურთელებმა ვარჯიში შეწყვიტეს.

იმერლების კაპიტანმა, როინ კვასხვაძემ განაცხადა, რომ გუნდიდან არავინ წასულა, თუმცა მეტის მოთმენას არ აპირებენ: 

მინდა, გულშემატკივარმა სწორად გაიგოს ჩვენი პოზიცია. ტორპედოდან არცერთი ფეხბურთელი წასულა. პირიქით, ძალიან გვინდა გავიდეთ, ვივარჯიშოთ, მოახლოებულ მატჩებს სათანადოდ მომზადებულები შევხვდეთ და ჩვენი გულშემატკივარი გავახაროთ, მაგრამ, სამწუხაროდ, იქამდე მივედით, რომ ეს ფიზიკურად აღარ შეგვიძლია“, - დასინძა მან. 

დღეს, კლუბის დამრიგებელმა, კახა ჩხეტიანმა მორიგი განცხადება გაავრცელა: 

ტორპედოთი არიან დაინტერესებულები როგორც ქართველი, ისე უცხოელი ინვესტორები. დღეს ქალაქის მერიაში დაგეგმილია შეხვედრა ერთ-ერთ ინვესტორთან და იმედი გვაქვს, ყველაფერი მალე მოგვარდება. 

გულშემატკივარმა უნდა იცოდეს, რომ იმ დღიდან, როცა ფინანსური პრობლემა შეგვექმნა, ფეხბურთის ფედერაციის პრეზიდენტი ლევან კობიაშვილი გვერდით გვიდგას და გვეხმარება ფინანსურად. გარდა იმისა, რომ ფედერაცია მგზავრობის, სასტუმროსა და სხვა ხარჯებს გვიფარავს, ერთი თვის წინ ერთი თვის ხელფასიც გამოგვიყო“, - აღნიშნა მან. 

ერთ-ერთი ტიტულოვანი გუნდის ბედი ჯერ კიდევ გაურკვეველია. გულშემატკივრები ზაალ ჩაჩავას დასჯას ითხოვენ, რადგან მიაჩნიათ, რომ ამჟამინდელი მდგომარეობა მისი ბრალია. 

Croco.ge-ის ინფორმაციით, ჩაჩავა თავს დამნაშავედ არ სცნობს და ტორპედოს წარმომადგენლებისგან “ხელფასს“ ითხოვს, რომელიც, როგორც ირკვევა თავის თავს დაუნიშნა. 

 

 

#Flashscore