ფეხბურთი / ლა ლიგა /
მესიმ და ფაბრეგასმა პიკეს გუნდის აქციები შეიძინეს
01/09/2019 16:48
5634

ცოტა ხნის წინ, კომპანია "კოსმოსმა" რომლის მფლობელიც ხერარდ პიკე გახლავთ, საფეხბურთი კლუბი ანდორა შეიძინა. ანდორა ესპანეთის რანგით მეხუთე დივიზიონში ასპარეზობს და როგორც ამბობენ, ბარსელონას ფეხბურთელი სამომავლოდ მის აღორძინებასა და ლა ლიგაში აღზევებას აპირებს.

საფეხბურთო კლუბ ანდორას სახელთან პიკეს გარდა, კიდევ ორი მოქმედი თუ ყოფილი ბარსელონას ვარსკვლავია დაკავშირებული.

როგორც "El Diari" წერს, კლუბის აქციათა გარკვეული ნაწილი ლიონელ მესიმ და სეს ფაბრეგასმაც შეიძინეს. ამავე წყაროზე დაყრდნობით ვიგებთ, რომ ხერარდ პიკესგან განსხვავებით, ამ ეტაპზე ისინი არ არიან მსხვილი აქციონერები.