ფეხბურთი / ბუნდესლიგა /
დამალული ტალანტი | გნაბრის “აღზევება“
10/10/2019 22:13
277

ევროპულმა გრანდებმა 2010 წელს შტუდგარტის ტალანტის სერჟ გნაბრის გადაბირებაზე დაიწყეს ფიქრი. ახალგაზრდა ფეხბურთელი საბოლოოდ, არსენალმა იყიდა და დუბლებში გაამწესა. 

მთავარ გუნდში დებიუტი 2012 წლის 26 სექტემბერს ჰქონდა, რომელშიც “მეთოფეები“ ქოვენთრი სიტის უპირისპირდებოდნენ. 20 ოქტომბერს პრემიერ ლიგაში გამოჩნდა, ხოლო 4 დღეში ჩემპიონთა ლიგაზე შალკეს წინააღმდეგ გაისარჯა. 

2013-2014 წლების სეზონში ლონდონელებს არაერთი მოთამაშე დაუზიანდათ და გნაბრის სათამაშო დროც მიეცა. თავდაჯერებული და კარგი თამაში ხელმძღვანელებს არ გამორჩენიათ. საბოლოოდ, მას გრძელვადიანი კონტრაქტი გაუფორმეს. 

“ამომავალი ვარსკვლავი“ გარკვეული პერიოდის შემდეგ, ხშირად ტრავმიანობდა, რის გამოც მისი გაყიდვა გადაწყვიტეს. 2016 წელს ზაფხულის სატრანსფერო ფანჯრის ბოლო დღეს ვერდერში გაუშვეს. 1 წელში კი, მიუნხენის ბაიერნთან 3-წლიან კონტრაქტს მოაწერა ხელი. 

2017 წლის 14 ივნისს, ის იჯარის წესით, ჰოფენჰაიმში გადავიდა. საბოლოოდ “რეკორდმაისტერებს“ დაუბრუნდა და მსოფლიო აალაპარაკა. 2019 წლის 1 ოქტომბერს, ბუნდესლიგის ბინადრები ტოტენჰემს შეხვდნენ, რომელიც კოვაჩის შეგირდების გამარჯვებით დასრულდა (7:2). სერჟმა 4 გოლით გამოიჩინა თავი.

 

გერმანიის ნაკრების დამრიგებელმა, იოახიმ ლიოვმა მასში “დამალული“ ტალანტი დაინახა და ეროვნულ გუნდში უხმო. 

მან 11 მატჩში 10 გოლი გაიტანა და სამი საგოლე გადაცემა ჩაიწერა აქტივში. გნაბრიმ ნაკრებში 10 გოლი ყველაზე ნაკლებ დროში შეაგდო. 24 წლის შემტევის სატრანსფერო ღირებულება 60 მილიონი ევროა. 

#Flashscore