სხვა / სხვა /
პირველი ქართული სამთო ველოსიპედის ბრენდი
10/15/2019 15:55
348

გავრცელებული ინფორმაციის თანახმად, 2020 წლის პირველი ნახევრისთვის ცნობილი გახდება პირველი ქართული სამთო ველოსიპედის ბრენდის სახელი. ირკვევა, რომ ერთ-ერთ წამყვან მოდელს ლეგენდარული ჯუმბერ ლეჟავას საპატივცემულოდ LEJAVA ერქმევა. 
ჯუმბერ ლეჟავა დაჯილდოებულია საქართველოს სახელმწიფო ჯილდოებით. ვახტანგ გორგასლის I ხარისხის ორდენით, საქართველოს სახელმწიფო პრემიით. მას მინიჭებული აქვს "მოგზაური დიპლომატის" სტატუსი, ხოლო იუნესკოსგან "მსოფლიო სპორტსმენის" დიპლომი. მან 1993 წლის 13 აგვისტოდან 2003 წლის 3 ნოემბამდე ველოსიპედით მსოფლიოს გარშემო იმოგზაურა. 3333 დღის განმავლობაში ლეჟავამ გადალახა 234 ქვეყანა და 2-ჯერ ეწვია ანტარქტიდას. მან ასევე გადაიღო 50.000-ზე მეტი ფოტო და 200სთ-ზე მეტი ვიდეო ფირი. ამას გარდა შექმნილი აქვს 7.000-გვერდიანი მოგზაურობის დღიური.

#Flashscore