ფეხბურთი / ლა ლიგა /
ბარსელონა და რეალი განრიგის შეცვლაზე უარს ამბობენ
10/17/2019 11:49
186

მოგეხსენებათ, რომ კატალონიაში არსებული არეულობის გამო, ლა ლიგის ხელმძღვანელების თხოვნა ბარსელონას და რეალის მისამართით კლასიკოების მიმდევრობის განრიგის შეცვლა იყო. როგორც გამოცემა MARCA იტყობინება, კლუბებმა აღნიშნულ საკითხზე იმსჯელეს და საბოლოოდ ორივე მათგანმა უარი განაცხადა მიმდევრობის შეცვლაზე.

ეს კი იმას ნიშნავს, რომ ყველაფერი ამჟამინდელი დაგეგმარების მიხედვით უნდა მოხდეს. პირველი ელ კლასიკო "კამპ ნოუზე", ხოლო მეორე წრის დაპირისპირება "სანტიაგო ბერნაბეუზე". მადრიდელები მიიჩნევენ, რომ უნდა დაიცვან ივნისში ჩამოყალიბებული კალენდარი, რათა არ მოხდეს კონკურენციის სამართლიანობის შეცვლა. თუ არსებობს რისკები, რომ შეხვედრის ჩატარება უსაფრთხო არ არის, მაშინ დედაქალაქურ კლუბს სურს, რომ შეხვედრა მთლიანად გადაიდოს და არ მოხდეს მიმდევრობის შეცვლა. რაც შეეხება ოფიციალური ბარსელონას პოზიციას, მათი განცხადებით მოახლოებული ელ კლასიკო "კამპ ნოუზე" უნდა გაიმართოს და შეხვედრის უსაფრთხოებას მიმდებარე ტერიტორიაზე არსებული აქციები ხელს არ შეუშლის. 

#Flashscore