სხვა / ძიუდო /
5 მედალი და გუნდური მეორე ადგილი მსოფლიო ჩემპიონატზე
10/19/2019 23:56
608

მაროკოში დასრულებულ მსოფლიოს ახალგაზრდულ ჩემპიონატზე ქართველმა ძიუდოისტებმა ხუთი მედალი მოიპოვეს. 

პირველი ოქრო საქართველოს ნაკრებს, რომელიც 8 წონით კატეგორიაში 12 სპორტსმენით იყო წარდგენილი, ეთერ ლიპარტელიანმა მოუტანა, რაც ქართული ძიუდოს მომავლისთვის განსაკუთრებით მნიშვნელოვანია. 

აღსანიშნაივა, რომ -57 კგ. წონით კატეგორიაში მოასპარეზე ლიპარტელიანი ტურნირის დაწყებამდე ძიუდოს ერთ-ერთმა ცნობილმა გამოცემამ გამოარჩია და მსოფლიო ჩემპიონატის ფავორიტებს შორის დაასახელა. ქართველმა ფალავანმა გაცემული ავანსები სრულად გაამართლა და კანაკო ჰაკამატას ძლევით ოქროს მედალი მოიპოვა. აღსანიშნავია, რომ ქალებში საქართველოს ნაკრებს კიდევ ერთი მედლის მოპოვების შანსი ჰქონდა, თუმცა მარიამ ჭანტურიამ ბრინჯაოსთვის ბრძოლა დათმო.

ფავორიტებს შორის იყო ტატო გრიგალაშვილიც (-81 კგ), რომელმაც მსოფლიო ჩემპიონატზე ბრინჯაოს მედალი მოიპოვა. გადამწყვეტ ბრძოლაში ქართველმა აზერბაიჯანელი მურად ფატიევი იპონით დაამარცხა.

ამავე წონით კატეგორიაში (-81 კგ), მსოფლიო ჩემპიონატის მეორე ქართული ოქრი ვლადიმერ ახალკაცმა მოიპოვა, რომელიც ფინალში რუსეთის წარმომადგენელ დავით კარაპეტიანს შეხვდა და იპონით დაამარცხა.

საქართველოს ნაკრების მესამე ოქროს მედლის ავტორი ლაშა ბექაური (-90 კგ) გახდა. ფინალურ შეხვედრაში ბექაურმა უნგრელი როლანდ გოზი დაამარცხა და გამარჯვების შემდეგ ემოციური კომენტარიც გააკეთა.

“შარშან, როდესაც მსოფლიოს ჩემპიონი გავხდი, ბიძაჩემი გარდაიცვალა და მინდოდა, რომ ეს მოგება მისთვის მიმეძღვნა“, - თქმა ბექაურმა.

 

ტურნირის დასკვნით დღეს საქართველოს ნაკრები მსოფლიო პირვლეობაზე 4 ძიუდოისტით იყო წარმოდგენილი, თუმცა ფინალურ ბლოკამდე მხოლოდ ერთი მივიდა.

ილია სულამანიძე (-100 კგ) ფინალში იაპონელ კაზუნარი კამიგაკისთან დამატებით დროში დამარცხდა, რამაც საქართველოს ნაკრებს გუნდურ ჩათვლაში პირველი ადგილის მოპოვების შანსი აღარ დაუტოვა, თუმცა სულამანიძის ვერცხლის სავსებით საკმარისი აღმოჩნდა გუნდური მეორე ადგილისთვის. 

საქართველოს ნაკრებმა საერთო ჩათვლაში მეორე ადგილი დაიკავა, პირველზე კი იაპონია გავიდა. ქართული დელეგაცია ასევე მეორეა ვაჟთა ჩათვლაში, სადაც პირველზე გასულ იაპონიას მხოლოდ ერთი ჩასათვლელი მეხუთე ადგილით ჩამორჩა.

#Flashscore