კალათბურთი / ქართული კალათბურთი /
შენგელიას 18 ქულა, 9 მოხსნა და გამარჯვება რეალ ბეტისთან
10/21/2019 11:15
141

თორნიკე შენგელიას ლიდერობით ბასკონიამ ესპანეთის ჩემპიონატის მე-5 ტურში იმარჯვა.

ბასკონიელებმა ვიტორიაში რეალ ბეტისს უმასპინძლეს და 84:73 დაამარცხეს. მატჩის ყველაზე შედეგიანი და შესაბამისად, საუკეთესო მოთამაშეც ქართველი გახდა. მან ყველაზე მაღალი სარგებლიანობის ინდექსი დააფიქსირა. ბასკონიელთა ქართველი კაპიტანი სასტარტო ხუთეულში იყო და 35:43 წუთი ითამაშა.

შენგელიამ 8-დან 6 ორქულაინი, 4-დან 1 სამიანი და 4-დან 3 საჯარიმო ჩააგდო. მოგროვებულ 18 ქულას შენგელიამ 9 მოხსნა, 4 პასი და 1 ჩაჭრა მოაყოლა. მისმა სარგებლიანობის ინდექსმა 28-ს უწია, რაც ორივე გუნდის შემადგენლობაში საუკეთესო შედეგი გახლდათ.

 

მომზადებულია GBF-ს მიხედვით... 

 

#Flashscore