ფეხბურთი / პრემიერლიგა /
ტურინულ-მანჩესტერული ბარტერი?
01/11/2019 17:12
763

ტურინის იუვენტუსს პოლ პოგბას დაბრუნება სურს. ფრანგი ფეხბურთელი დღესაც აქტიურ კონტაქტშია ყოფილ თანაგუნდელებთან. იტალიური კლუბის მესვეურებს იმედი აქვთ, რომ მიუხედავად ჟოზე მოურინიოს წასვლისა და პოგბას ათამაშებისა, ისინი მსოფლიო ჩემპიონის დაბრუნებას შეძლებენ.

როგორც იტალიური გამოცემა "Tuttosport" წერს, მანჩესტერ იუნაიტედმა შესაძლოა ზაფხულში პოლ პოგბა გაუშვას, რის ალბათობას ისიც ზრდის, რომ დიდი ხანია, რაც მათ "ბებერი ქალბატონების" ბრაზილიელი შემტევის, დუგლას კოშტას გადაბირება სურთ.

ამავე წყაროზე დაყრდნობით ვიგებთ, რომ "წითელი ეშმაკების" აღმასრულებელი დირექტორი ედ ვუდვორდი, პოლ პოგბას სანაცვლოდ, სულ მცირე 80 მილიონ ევროს ითხოვს. თავის მხრივ ტურინული გრანდიც იმედს იტოვებს, რომ დუგლას კოშტას ტრანსფერში ჩართვის შემთხვევაში, აღნიშნული თანხა საგრძნობლად შემცირდება.

#Flashscore