ფეხბურთი / სერია ა /
ტიაგო მოტამ შესაძლოა იტალიური კლუბი ჩაიბაროს
10/21/2019 15:57
156

ტიაგო მოტა შესაძლოა იტალიის სერია ა-ში დაბრუნდეს. ინტერის ყოფილი ნახევარმცველი, ჯენოას გაწვრთნის ერთ-ერთი მთავარი კანდიდატია.

როგორც tuttomercato წერს, პარმასთან სტუმრად განცდილი გამანადგურებელი მარცხის (5-1) შემდეგ, გენუური კლუბის პრეზიდენტმა ენრიკო პრეციოსიმ, მთავარი მწვრთნელის თანამდებობიდან აურელიო ანდრეაცოლის გათავისუფლება გადაწყვიტა.

ამავე წყაროს ცნობით, პრეციოსი ანდრეაცოლის შეცვლის კანდიდატების განხილვას უკვე შეუდგა. კანდიდატებს შორის ფრანჩესკო გუიდოლინი, ტიაგო მოტა და მასიმო კარერა არიან. 

იტალიის სერია ა-ში გასული 8 ტურის შემდეგ, ჯენოა 5 ქულით მე-19 ადგილზე იმყოფება.

რაც შეეხება ტიაგო მოტას, იტალიის ნაკრების ყოფილმა ფეხბურთელმა სამწვრთნელო კარიერა 2018 წელს დაიწყო. გასულ სეზონში ის პარი სენ-ჟერმენის 19-წლამდელთა გუნდს წვრთნიდა.

#Flashscore