ქართული სპორტი / ქართული რაგბი /
დიდი 10 - ლიდერის პირველი მარცხი და სეზონის მეორე ფრე
10/22/2019 0:18
95

გასულ უქმეებზე საქართველოს სარაგბო ჩემპიონატის, დიდი 10-ის მეხუთე ტურის მატჩები გაიმართა.

მართალია, გულშემატკივრებმა უხვქულიანი შეხვედრები ვერ იხილეს, სამაგიეროდ ტურის ხუთივე მატჩში დაძაბული ბრძოლა შედგა. 

შედარებით დიდი სხვაობით მხოლოდ გორის ჯიქმა მოიგო და ბოლნისის ყოჩებს წაგებული პირველი ტაიმის შემდეგ, მეორე ნახევარში 25:14 სძლია. 

მიმდინარე სეზონში პირველი მარცხი იწვნია ქუთაისის აიამ. გათამაშების ლიდერი რუსთავის ხარებს მასპინძლობდა და 10:13 დამარცხდა. 

რუსთაველების მსგავსად, გასვლით შეხვედრაში იმარჯვა ბათუმმაც, რომელიც თბილისში ლელოს სტუმრობდა და 9:7 დაამრცხა მეტოქე. ანალოგიური, 2-ქულიანი სხვაობით აჯობა აკადემიამ დებიუტანტ იუნკერებს - 8:6. 

მიმდინარე სეზონის მეორე ფრე ავჭალაში დაფიქსირდა, სადაც ლოკომოტივმა და არმაზმა საყაიმო 18:18 დაამთავრეს. 

დიდი 10-ის მომდევნო, მე-6 ტურის შეხვედრები 25, 26 და 27 ოქტომბერს გაიმართება.

#Flashscore