ფეხბურთი / სერია ა /
გენიალურია! | ღმერთმა “გრიფონებს“ სასწაული მოუვლინა
10/27/2019 10:12
454

ჯენოამ იტალიის ჩემპიონატის მე-9 ტურში, შინ ბრეშას უმასპინძლა და მეტოქე ანგარიშით 3-1 დაამარცხა. 

კარგად ცნობილი ფაქტია, რომ გენუელებს ახალი დამრიგებელი ჰყავთ. 37 წლის ტიაგო მოტამ ფრიად საპასუხისმგებლო საქმეს მოჰკიდა ხელი. 

“გრიფონები“ გასავარდნ ზონაში იმყოფებოდნენ, თუმცა მნიშვნელოვანი 3 ქულა მოიპოვეს. კლუბს მოტას ეფექტი აშკარად დაეტყო, რადგან პირველ ტაიმში მარცხდებოდნენ, მაგრამ მეორე ნახევარში განხორციელებულმა შეცვლებმა მატჩზე დიდი გავლენა იქონია. 

მოედანზე შეცვლაზე შესულმა ფეხბურთელებმა 3 გოლში მიიღეს მონაწილეობა. Opta-ს ცნობით, ეს უნიკალური შედეგია, რადგან სერია A-ს ისტორიაში ტიაგო მოტა პირველი მწვრთნელი გახდა, რომლის მიერ თამაშში ჩართულმა სამივე მოთამაშემ გოლის გატანა შეძლო.

#Flashscore