კალათბურთი / ქართული კალათბურთი /
შენგელიას ბასკონიამ შერმადინის ტენერიფე დაამარცხა
10/28/2019 1:24
176

ესპანეთის საკალთბურთო ჩემპიონატის მე-6 ტურში თორნიკე შენგელიას ბასკონია გიორგი შერმადინის ტენერიფეს ესტუმრა და დაძაბულ შეხვედრაში მინიმალური სხვაობით, 79:78 სძლია. 

ქართველი კალათბურთელები ორივე გუნდის შემადგენლობაში გამორჩეულები იყვნენ და მატჩის მსვლელობაზე დიდი გავლენა მოახდინეს. 

გიორგი შერმადინმა, რომელიც სასტარტო ხუთეულში იყო და 32 წუთზე მეტი ითამაშა, შეხვედრა 16 ქულით, 4 მოხსნით და 3 პასით დაასრულა. აღსანიშნავია, რომ ქართველმა ცენტრს თამაშიდან სროლა არ გაუფუჭებია და 8-დან 8 ორქულიანი მოათავსა მეტოქე გუნდის კალათში. მასპინძელთა რიგებში შერმადინზე მეტი ქულა მხოლოდ მარსელინიო უერტასმა (22) მოაგროვა, თუმცა სარგებლიანობის კოეფიციენტით (25) შერმადინი საკუთარ გუნდში საუკეთსო იყო.

შედეგიანი თამაში ჰქონდა თორნიკე შენგელიასაც, რომელიც ტრადიციულად სასტარტო ხუთეულში იყო და მოედნაზე გატარებულ 30 წუთში 20 ქულა შესძინა საკუთარ გუნდს. ბასკონიას რიგებში საუკეთესო მოთამაშე პიერია ჰენრი გახდა. თბილისის ვითას ყოფილმა კალათბურთელმა შეხვედრა 24 ქულით და 3 ასისტით დაასრულა. საქართველოს ნაკრების უკანახაზელმა, მეტ ჯენინგმა კი კარგი მატჩი ვერ ჩაატარა და მიუხედავად მოედანზე გატარებული 22 წუთსისა, მატჩი უქულოს დაასრულა.

ესპანეთის ჩემპიონატის მომდევნო ტურში შერმადინის ტენერიფე ესტუდიანტესს ესტუმრება, ხოლო ბასკონია მადრიდის რეალს უმასპინძლებს.

#Flashscore