კალათბურთი / ევროლიგა /
შენგელიას შედეგიანმა თამაშმა ბასკონიას ვერ უშველა
10/30/2019 10:10
300

ევროლიგის მე-5 ტურში ბასკონია ფრანგულ ვილებანს ესტუმრა და დაძაბულ ბრძოლაში 3-ქულიანი სხვაობით დამარცხდა - 63:66. 

ესპანური კლუბის ქართველი კაპიტანი, თორნიკე შენგელია სასტარტო ხუთეულში იყო და მოედანზე გატარებულ 30 წუთში მატჩის ყველაზე შედეგიანი მოთამაშე გახდა. თორნიკემ 17 ქულა ჩააგდო, რასაც 7 მოხსნა, 2 პასი და 1 ბლოკი დაუმატა. საქართველოს ნაკრების კიდევ ერთმა წევრმა, მეტ ჯენინგმა სტუმართა რიგებში 13 წუთი ითამაშა და შეხვედრა 3 ქულით და 1 ასისტით დაასრულა. 

5 ტურის შემდეგ ბასკონიას 2 მოგება და 3 მარცხი აქვს და ევროლიგის მომდევნო შეხვედრას საკუთარ მოედანზე, ბაიერნის წინააღმდეგ გამართავს.

#Flashscore