რაგბი / ქართული რაგბი /
რუსეთში ევროპის ჩემპიონატის მოგებას გეგმავენ
10/30/2019 13:19
225

მსოფლიო თასზე ასპარეზობის დასრულების შემდეგ, რუსეთის რაგბის კავშირმა ნაკრების მთავარ მწვრთნელს, ლინ ჯონსს კონტრაქტი გაუხანგრძლივა. 

მიუხედავად იმისა, რომ რუსებმა ჯგუფურ ეტაპზე ოთხივე თამაში დათმეს, ქვეყნის რაგბის კავშირის ერთ-ერთი მაღალჩინოსანი, იგორ არტემიევი მთავარი მწვრთნელის მუშაობით კმაყოფილია და აღნიშნავს, რომ რუსები მომავალში უფრო მაღალი მიზნებისთვის იბრძოლებენ.

"ლინთან მუშაობა მოგვწონს და მას ახალი მიზანი დავუსახეს. გვსურს, რომ რუსეთის ნაკრებმა ევროპის ჩემპიონატის მოგება შეძლოს. მიზანი ყოველთვის მაქსიმალური უნდა იყოს და თუ იმ თამაშს შევინარჩუნებთ, რაც მსოფლიო თასზე, საუკეთესო შეხვედრებში ვაჩვენეთ, წარმატების კარგი შანსი გვექენბა", - განაცხადა არტემიევმა. 

შეგახსენებთ, რომ რაგბი ევროპის ჩემპიონატი 2020 წლის თებერვლიდან დაიწყება და რუსეთის ნაკრებთან ერთად, საქართველოს ეროვნულ გუნდს მეტოქეობას ესპანეთის, პორტუგალიის, ბელგიის და რუმინეთის ნაკრებები გაუწევენ. 

 

#Flashscore