ფეხბურთი / ლა ლიგა /
"მესისთან ერთად ყველაფრის მოგება შეიძლება"
10/30/2019 19:55
179

მანჩესტერ სიტის თავკაცმა, პეპ გვარდიოლამ მის ყოფილ შეგირდზე, ლიონელ მესიზე ისაუბრა.

"მსოფლიოში უამრავი კარგი მწვრთნელია, რომლებსაც უჭირთ ტიტულების მოგება. მათ ჰყავთ კარგი ფეხბურთელები, მაგრამ არა ისეთები, როგორიც არის ლიონელ მესი. იმისთვის, რომ მოიგო ნებისმიერი ტიტული, საჭიროა გუნდში გყავდეს მესი. ფეხბურთელი, რომელსაც თავისუფლად შეუძლია ნებისმიერ დროს 3-4 მოთამაშეს აუაროს გვერდი და შემდეგ გოლი გაიტანოს. ლეოსთან ერთად უამრავი სქემის გამოყენება შეიძლება. ის თითქმის ყველა ტაქტიკას ერგება და ყველასგან განსხვავებულ სტილს ქმნის. მე ვცადე იგივე ფორმულირება გამომეყენებინა მიუნხენის ბაიერნშიც, მაგრამ ვთვლი, რომ ჩემი ცდა წარუმატებელი გამოდგა, რადგან იქ არ იყვნენ მესის მსგავსი ტიპის და შესაძლებლობების მქონე მოთამაშეები. ლეოს შეუძლია ჩამოვიდეს დაცვაში, შესანიშნავად დაეხმაროს უკანახაზელებს, გაანაწილოს პასები მოედნის ცენტრში, შემდეგ შეტევაში გაიქცეს, მოატყუოს მეტოქე გუნდის ფეხბურთელები და შეტევა გოლით დააგვირგინოს. ის უნივერსალურია. ასრულებს უამრავ შავ სამუშაოს და არასდროს იტყვის, რომ მას კონკრეტული საქმის კეთება არ ევალება. გუნდის წარმატებისთვის ყოველთვის ყველაფერს უმაღლეს დონეზე შეასრულებს. მესისთან ერთად ყველაფრის მოგება შეიძლება." - გვარდიოლა.

#Flashscore