რაგბი / ტესტები /
რორი ბესტს მინდორზე ისევ ვიხილავთ
10/31/2019 12:24
102

მიიჩნეოდა, რომ ლეგენდარულ კვაჭს, რორი ბესტს კარიერა 37 წლის ასაკში მსოფლიო ჩემპიონატზე ახალ ზელანდიასთან ჩატარებული შეხვედრის შემდეგ უნდა დაესრულებინა, თუმცა როგორც ჩანს, ლეგენდა კარიერას ბარბაროსების კვართით დაასრულებს.

ბარბაროსების კლუბი ნოემბერში ტესტ-მატჩების გასამართად იკრიბება. 16 ნოემბერს ლონდონში ფიჯი, შემდეგ ამავე თვის 20 რიცხვში ბრაზილიის ნაკრები სან პაოლოში და 30-ში უელსი კარდიფში.

ცნობილია, რომ ბესტი ფიჯისთან მინდორზე გამოვა და გუნდის კაპიტანი იქნება.

"ჩემთვის დიდი პატივია ბარბაროსებში თამაში. ფიჯისთან შეხვედრას მოუთმენლად ველი და ვფიქრობ, რომ კარიერის დასასრულებლად ეს საუკეთესო ვარიანტი იქნება. შავ-თეთრი კვართით უკანასკნელი შეხვედრის ჩატარება საოცარი იქნება." - განაცხადა რორი ბესტმა.

შეგახსენებთ, რომ რორი ბესტი ირლანდიის ნაკრებში 2005 წლიდან ირიცხებოდა და ამ პერიოდის განმავლობაში 124 მატჩში მიიღო მონაწილეობა და 12 ლელოს დადება შეძლო.

 

#Flashscore