ფეხბურთი / ბუნდესლიგა /
ორი კანდიდატი კოვაჩის შემცვლელად
10/31/2019 16:45
245

გერმანული პრესის ცნობით, მიუნხენის ბაიერნის ხელმძღვანელებს გადაწყვეტილი აქვთ, რომ უახლოეს მომავალში ნიკო კოვაჩი დაითხოვონ და მის პოსტზე ახალი მწვრთნელი დანიშნონ.

როგორც ირკვევა, "რეკორდმაისტერის" ბოსები ორ კანდიდატურას განიხილავენ. მათ რადარზე ამსტერდამის აიაქსის თავკაცი, ერიკ ტენ ჰაგი და ტოტენჰემის მთავარი მწვრთნელი მაურისიო პოჩეტინო არიან.

აღსანიშნავია, რომ ჰოლანდიელმა რამდენიმე კვირის წინ თავადაც ისაუბრა მიუნხენური კლუბის შესახებ, ხოლო არგენტინელ სპეციალისტს ბრიტანელები უკვე უწინასწარმეტყველებენ ლონდონური კლუბიდან დათხოვნას.

ბავარიელებს არჩევანის გაკეთება მოუწევთ. Kicker-ის ექსპერტები ვარაუდობენ, რომ მიუნხენელებს ტენ ჰაგთან უფრო მეტი შანსი აქვთ, ვიდრე პოჩეტინოსთან.

#Flashscore