ჩოგბურთი / WTA /
ეკატერინე გორგოძე ფინალშია
11/01/2019 21:09
198

საფრანგეთის ქალაქ ნანტში საერთაშორისო ტურნირი მიმდინარეობს, რომლის საპრიზო ფონდი 60 ათასი დოლარია. წყვილთა თანრიგის ფინალში ქართველი ჩოგბურთელი ეკატერინე გორგოძე გავიდა.

ქართველი ჩოგანი უზბეკ აკგულ ანანმურადოვასთან ერთად ასპარეზობს. მათ უკვე 3 გამარჯვება მოიპოვეს. სამივე მოგება ფრანგი ჩოგბურთელების წინააღმდეგ იზეიმეს. ნახევარფინალური შეხვედრა დღეს ქართველმა და უზბეკმა ესტელ კასკინოს და ეიქსანე ლეჩემიას წინააღმდეგ ჩაატარეს და 7:6 (7:3), 6:4 გაიმარჯვეს.

ფინალში ეკატერინე და აკგული მეორე ნახევარფინალში გამარჯვებულს შეხვდებიან. გერმანელი ვივიან ჰეისენი და რუსი იანა სიზიკოვა ფრანგ ირის ეკანის და მირტილ გეორგესს დაუპირისპირდებიან.

 

#Flashscore