ფეხბურთი / პრემიერლიგა /
ალან შირერი - ინგლისელი გოლეადორი
11/02/2019 11:29
105

ალან შირერი - დაიბადა 1970 წლის 13 აგვისტოს ნიუკასლში. თავდაპირველად შირერი ვოლსენდის ვაჟთა კლუბში თამაშობდა საიდანაც ის 1986 წელს საუთჰამპტონის ახალგაზრდულ კლუბში ჩაირიცხა. პირველი ოფიციალური სადებიუტო მატჩი მან 2 წელიწადში ამავე კლუბის შემადგენლობაში ჩაატარა. ''წმინდანებში'' შირერი 1992 წლამდე ასპარეზობდა. შემდეგ გადავიდა ბლექბერნ როვერსში სადაც ის გახდა ინგლისის ჩემპიონი 1995 წელს და 34 გატანილი გოლით საუკეთესო ბომბარდირი.

წარმატებული სეზონის შემდეგ შირერით უამრავი გრანდი დაინტერესდა, მაგრამ ფეხბურთელმა ყველას და ყველაფერს მშობლიური ქალაქი და კლუბი ნიუკასლი არჩია. 1996 წლიდან მოყოლებული მან იქ 10 სეზონი ჩაატარა. ამ წლების განმავლობაში მან მოახერხა და გახდა კლუბის ისტორიაში საუკეთესო ფეხბურთელი.

შირერი მსოფლიოს ერთ-ერთი გამორჩეული თავდამსხმელი იყო. ის დღემდე ინგლისის პრემიერ ლიგის ყველა დროის საუკეთესო ბომბარდირია. ინგლისის ეროვნულ ნაკრებში შირერი 1992 - 2000 წლებში გამოდიოდა. მან 63 მატჩში 30 გოლის გატანა მოახერხა.
ალანი 5-ჯერ გახდა პრემიერ ლიგის თვის საუკეთესო ფეხბურთელი და 1994-95 წლებში წლის საუკეთესო მოთამაშე. 1996 წელს ის ნომინირებული იყო ოქროს ბურთის კანდიდათა შორის, მაგრამ მან ამ წელს მესამე ადგილი დაიკავა. ის გახდა უეფას თასის ბომბარდირი ორჯერ. შირერს მიღებული აქვს უამრავი ინდივიდუალური ჯილდო.

საბოლოოდ შირერმა კარიერა 2006 წელს დაასრულა რის შემდეგაც ის BBC-ში მუშაობდა, მაგრამ როცა კლუბს მისი დახმარება დასჭირდა ის ნიუკასლს დაუბრუნდა და ბოლო 8 ტურში გუნდმა მისი ხელმძღვანელობით ჩაატარა მატჩები , თუმცა შირერმა ''კაჭკაჭების'' დახმარება და წარმატების მიღწევა მაშნ ვერ შეძლო.

პრემიერ ლიგის ეგიდით შირერს 260 გოლი აქვს გატანილი და ის ყველა დროის საუკეთესო ბომბარდირია. მასთან ყველაზე ახლოს 208 გოლით უეინ რუნია, თუმცა "შრეკის" ბრიტანული კარიერა დასრულებულია. მოქმედი ფეხბურთელებიდან ლეგენდარული შირერის რეკორდს სერხიო აგუერო და ჰარი კეინი ემუქრებიან. არგენტინელის აქტივში 172 გოლია, ხოლო ლონდონელთა ლიდერს ამ დროისთვის მეტოქეთა კარი 131-ჯერ აქვს აღებული. თავად შირერი მიიჩნევს, რომ კეინს მონდომების შემთხვევაში მისი მაჩვენებლის გაუმჯობესება შეუძლია.

#Flashscore