ჩოგბურთი / ATP /
ნადალი შესაძლოა მსოფლიოს პირველი ჩოგანი გახდეს
11/02/2019 14:06
142

ლეგენდარულ ესპანელ ჩოგბურთელ, რაფაელ ნადალს შანსი მიეცა, რომ 2019 წელი მსოფლიოს ნომერ პირველი ჩოგნის სტატუსით დაასრულოს. ამ ყველაფრისთვის კი საჭიროა მან პარიზის მასტერსის ნახევარფინალში კანადელი დენის შაპოვალოვი დაამარცხოს, ხოლო მეორე ნახევარფინალში ნოვაკ ჯოკოვიჩი ბულგარელ მეტოქესთან, გრიგორ დიმიტროვთან დამარცხდეს ან ფინალში ნადალმა ჯოკოვიჩის დამარცხება შეძლოს. ესპანელს ორი ვარიანტი აქვს და ორივე საკმაოდ რეალურია.

მიმდინარე სეზონში ნადალმა 11 სხვადასხვა მეოთხედფინალური შეხვედრა გამართა და ყველა შემთხვევაში შეძლო მომდევნო ეტაპზე გასვლა. აღნიშნულ ტურნირის 1/4 ფინალურ ეტაპზე, ესპანელმა ფრანგ ჟო-ვილფრიდ ცონგას სძლია 7:6(4), 6:1. შედეგად 2013 წლის შემდეგ, მან პირველად გაღწია პარიზის მასტერსის ნახევარფინალში. ზემოთხსენებული ორი შეხვედრა შაბათს იმართება.

#Flashscore