სხვა / ძიუდო /
ჭანტურია ევროპის ჩემპიონატის ფინალში გავიდა
11/02/2019 18:10
128

რუსეთის ქალაქ იჟევსკში მიმდინარე ევროპის 23 წლამდე ძიუდოისტა ჩემპიონატზე საქართველოს ნაკრებს კიდევ ერთი ოქროს მედლის შანსი აქვს. 

-70 კგ. წონით კატეგორიაში მარიამ ჭანტურია ფინალში გავიდა, სადაც ჰოლანდიელ ჰილდა იაგერს დაუპირისპირდება. 

ნახევარფინალურ შეხვედრაში ჭანტურიამ ხორვატი ანდელა ვიოლიჩი დაამარცხა და საქართველოს ნაკრებს ტურნირზე მეოთხე მედალი გაუნაღდა. 

შეგახსენებთ, რომ კონტინენტის პირველობის პირველი საშეჯიბრო დღე საქართველოს ნაკრებისთვის ძალიან შედეგიანი გამოდგა - ეთერ ლიპარტელიანი ოქროს დაეუფლა, ხოლო ჯაბა პაპინაშვილმა და თემურ ნოზაძემ ბრინჯნაოს მედლები მოიპოვეს. 

სამწუხაროდ, ევროპის ჩემპიონატი წარუმატებელი აღმოჩნდა ვლადიმერ ახალკაცისთვის (-81 კგ.), რომელიც ასპარეზობას მეორე წრეში გამოეთიშა. 

იჟევსკში მიმდინარე კონტინეტნის პირველობა ხვალ, 3 ნოემბერს დასრულდება. ტურნირის დასკვნით დღეს საქართველოს ღირსებას დაიცავენ: სოფიო სომხიშვილი, მიხეილ ბექაური, იმედა გოგოლაძე, ონისე სანებლიძე და ილია სულამანიძე.

#Flashscore