ფეხბურთი / მსოფლიო ფეხბურთი /
რონალდ კუმანი, სერხიო რამოსი და კიდევ 9 გოლეადორი მცველი
11/04/2019 13:10
8545

ლა ლიგის XI ტურში ლეგანესის კარში გატანილი გოლი სერხიო რამოსისათვის კარიერაში 110-ე გამოდგა. ესპანელი ფეხბურთელი, ყველა დროის საუკეთესო გოლეადორთა სიაში მეცხრე ადგილზე იმყოფება. რაც შეეხება ფეხბურთის ისტორიაში ყველაზე შედეგიან მცველთა თერთმეტეულს, ის ასე გამოიყურება:

 

11. სინიშა მიხაილოვიჩი

სინიშა მიხაილოვიჩმა კარიერის მანძილზე მეტოქეთა კარის აღება 105-ჯერ მოახერხა. აქედან 10 გოლი მან იუგოსლავიის ნაკრების მაისურით გაიტანა. მიხაილოვიჩი ჯარიმების ერთ-ერთი საუკეთესო შემსრულებელი გახლდათ.  

 

10. ფრანც ბეკენბაუერი

ლეგენდარულმა გერმანელმა მცველმა ფრანც ბეკენბაუერმა, 19-წლიან საფეხბურთო კარიერაში 109 გოლის გატანა მოახერხა. აქედან 17 ბურთი მან გერმანიის ნაკრების მაისურით გაიტანა.

 

9. სერხიო რამოსი

სერხიო რამოსი ჯერ კიდევ მოქმედი ფეხბურთელია. მადრიდის რეალისა და ესპანეთის ნაკრების კაპიტნის ანგარიშზე 110 გოლია. აქედან 21 გოლის გატანა მან "ფურია როხას" მაისურით მოახერხა.

 

8. რობერტო კარლოსი

რობერტო კარლოსი ყველა დროის ერთ-ერთი საუკეთესო განაპირა მცველადაა მიჩნეული. ლეგენდარული ბრაზილიელი ფეხბურთელი ყველაფერთან ერთად სტანდარტულების ერთ-ერთი საუკეთესო შემსრულებელიც იყო. მის ანგარიშზე 113 გოლია. აქედან 11 კი მან ბრაზილიის ნაკრების მაისურით გაიტანა.

 

7. პოლ ბრეიტნერი

ყველა დროის საუკეთესო გოლეადორ მცველთა შორისაა კიდევ ერთი გერმანელი მცველი, პოლ ბრეიტნერი. რობერტო კარლოსის მსგავსად, მეტოქეთა კარი მანაც 113-ჯერ აიღო. მიუნხენის ბაიერნის ლეგენდარულმა ფეხბურთელმა გერმანიის ნაკრების მაისურით 14 გოლის გატანა მოახერხა.

 

6. სტივ ბრიუსი

მანჩესტერ იუნაიტედის ინგლისელმა ლეგენდამ სტივ ბრიუსმა, საფეხბურთო კარიერაში რობერტო კარლოსისა და პოლ ბრეიტნერის მსგავსად მეტოქეთა კარი 113-ჯერ აიღო. მას ინგლისის ნაკრების მაისურით გოლი არ გაუტანია. 

 

5. გრემ ალექსანდერი

შოტლანდიელი მცველის ანგარიშზე 130 გოლია. რაც არ უნდა გასაკვირი იყოს, შოტლანდიის ნაკრების მაისურით გამართულ 40 მატჩში გრენ ალექსანდერმა თავის გამოჩენა ვერ მოახერხა. მან ყველა ეს გოლი სხვადასხვა კლუბის მაისურით გაიტანა.

 

4. ლორან ბლანი

ლეგენდარული ფრანგი მცველის ანგარიშზე 153 გოლია. საფრანგეთის მაისურით გამართულ 98 მატჩში, მან მეტოქეთა კარი 17-ჯერ აიღო. ლორან ბლანმა "მამლებთან" ერთად მსოფლიოსა და ევროპის თასების მოგება მოახერხა.

 

3. ფერნანდო იერო

ფერნანდო იეროს ანგარიშზე 163 გოლია. ლეგენდარული ესპანელი მცველი, გარდა იმისა რომ მეორე სართულზე საოცრად თამაშობდა, სტანდარტულების კარგი შესრულებითაც ცნობილი იყო. "ფურია როხას" მაისურით მან 88 მატჩში მიიღო მონაწილეობა და 30 გოლის გატანა მოახერხა.

 

2. დანიელ პასარელა

არგენტინელი მცველის ანგარიშზე 175 გოლია. აქედან 22 გოლი კი მან არგენტინის ნაკრების მაისურით გაიტანა. დანიელ პასარელა "ალბისელესტესთან" ერთად მსოფლიო ჩემპიონი ორჯერ გახდა.

 

1. რონალდ კუმანი

რონალდ კუმანი ყველა დროის ყველაზე შედეგიანი მცველია. მის ანგარიშზე 253 გოლია. კუმანი სტანდარტულების ერთ-ერთი საუკეთესო შემსრულებელი იყო. ლეგენდარული ჰოლანდიელი ფეხბურთელის ანგარიშზე 253 გოლია. ჰოლანდიის ნაკრების მაისურით გამართულ 78 მატჩში, მან მეტოქეთა კარი 14-ჯერ აიღო. კუმანმა "ნარინჯისფერებთან" ერთად ევროპის ჩემპიონატის მოგება მოახერხა.

#Flashscore