ქართული სპორტი / ქართული რაგბი /
დიდი 10 - ჩემპიონატს ახალი ლიდერი ჰყავს
11/04/2019 23:21
75

საქართველოს სარაგბო ჩემპიონატს ახალი ლიდერი ჰყავს. 

მე-7 ტურის შედეგების გათვალისწინებით, პირველ ადგილზე ხარები გადავიდა. რუსთავულმა კლუბმა არმაზს ბონუსით, 33:10 მოუგო, ყოფილმა ლიდერმა, ქუთაისის აიამ კი ყოჩებთან მატჩი ფრედ, 12:12 დაასრულა და მეორე ადგილზე გადაინაცვლა. 

დაგეგმილი გამარჯვება მოიპოვა ბათუმმა. ზღვისპირელებმა თბილისში ლოკომოტივს 21:6 მოუგეს და მესამე პოზიციაზე რჩებიან. 

მეოთხე ადგილზეა ლელო, რომელმაც უშუალო კონკურენტ აკადემიას დაძაბულ ორთაბრძოლაში 14:13 სძლია, დებიუტანტმა იუნკერებმა კი მიმდინარე სეზონის მეექვსე მარცხი გორის ჯიქთან იწვნია - 18:23.

დიდი 10-ის მე-8 ტურის მატჩები 15, 16 და 17 ნოემბერს გაიმართება. 

 

#Flashscore